گەریلا عەگید سەدار (دیار ماردینی) شاروو حەسەکەینە جە ۋەرنیشتوو کوردسانی جە بنەیانێوە وڵاتپارێزینە گەورە بیەن و جە کۊشیای ئازاڎینە گەشمەرڎەشا دان. دماو ئاخێزوو ۋەرنیشتی، عەگید سەردار جە پرۆسەو جەنگینە قارەمانیەتی فرەش گێڵنا، حەرپاسە ڕەنج و کۊشیای گێڵنۍ و گەرەکشا بلۆ بەشداری ڕیزەکاو کۊشیای بۆ، بەڵام بەمەڵامەتوو تەمەنی گەنجیشۆ داواکێش جە تەرەفوو ڕێکوستەیۆ هۊرمەگیریۆ. بەڵام حەزوو ئاڎیی پۍ پەیوەس بیەی بە ئاخێزیوە بەردەوام بۍ. ئیتر وەختوو ئانەینە بۆ بە جەنگاوەرێوە سەرمەشق هەتا دما نەفەسش بەردەوام بۆ جە کۊشیای ئازاڎیی. پێسە گرڎ گەنجێوە کوردی خاوەنوو کولتوروو مدرامانی و بەهاکاو ئاخێزیش کەردۍ بە پیشەو ۋێش.

دماو ئانەی دەوڵەتوو ئەرەگیروو تورکی مەنتیقەکۍ گرێسپی و سەرێکانیش بە پەشتیوانی چەتەکاش ئەرەگیرۍ کەردۍ، ساڵەو ٢٠٢٠ پۍ حەق کەردەیۆ بەشداروو ڕیزەکاو گەریلای بۆ. بەشداری جە پەروەردە و ڕائاماییە سەرەتاییەکانە کەرۆ جە گارە بە تایبەت جە جەنگوو مەڕەکانە بەشداریێوە کاراش کەردەن. چێروو کاریگەری قارەمانەکاو هەێموو زاپینە و پا گیریش سەروو لوای پۍ هەرێموو زاپی. هامڕا عەگید سەردار دمایی ملۆ هەرێموو کونیشکای چا بەشداروو یەکینە تایبەتەکا بۆ و ئەزموونوو گەریلایی ۋێش وەڵۍ وزۆ هەتا ئەگەر جە بەرەکا وەڵێوە جەنگش کەرد بتاوۆ گورزەی قورسە جە دوژمنی شانۆ.

تێکەڵ بیەیش چنی هەڤاڵاش زاپەنە کاریگەریێوە فرەش سەرش بۍ. جە فرەو هەرێمەکانە بەشداری چالاکییەکاش کەردەن، جە ڕیزەکا وەڵێوە بەشداریش کەردەن و پێسە نوێنەرێوە جە فەرماندەیینە ۋەرپرسیاریش هۊرگێرتەن. عەگید سەردار جە سەختتەرین بوارەکانە خەباتش کەردەن، بە ئازاڎیی، مۆڕاڵ، حەماسەت و ئیراڎۆ بی بە جەنگەوانێوە سەرمەشق. جە گرڎ هەلومەرجێوەنە چنی هەڤاڵاش دژوو دوژمنی مرداوە و لاو هەڤاڵاشۆ ڕێز و وەشەسیایش بەدەس ئارد. جە ١و ئابوو ٢٠٢٣ چنی هەڤاڵێوەش بە نامۍ ماهیر باشکالی (دەنیز ئەرسو)ی جە هەرێموو زاپینە جە هجوومێوە دەوڵەتوو ئەرەگیروو تورکینە گەشمەرڎۍ بیۍ. گەشمەرڎە عەگید سەردار پێسە هەزاران قارەمانا کوردسانی میراتێوە مدرامانی تاریخیش جە دماو ۋێش جیا ئاست چی کۊشیا پیرۆزەیە، ئی ڕۍ بەردەوامە بۆ و بە هەزاران سەردار عەگیدۍ شۊن پاو ڕێبازیشا پەڕ کەراوە.