شەوەی ۋیەردۍ گەنجەکۍ هامبورگەنە کوۍ بیېوە و جە ۋەران ۋەروو هجومەکا دەوڵەتوو تورکی ئەرەگیرینە پۍ سەروو ۋەرنیشتوو کوردسانی ڕاپیمایۍ شەرمەزارکەردەیشا ئەنجامدا.

جە ڕاپیماکەینە دروشمۍ وچیېوە و ئەرەیاۋیا، "جە گرڎ یاگېنە، درێژە بە کۊشیای ۋېما مڎەیمۍ".

جە ئەرەیاۋناکەو گەنجەکانە ئامان، "دەوڵەتوو تورکی کە بەشێوېوە ناجوامێرانە هجوم کەرۆ  سەروو ۋەرنیشتی، مەنتیقە مەدەنییەکا بۆردومان کەرۆ و دماو هەر شکستێوەش حەقە جە خەڵکی مەدەنی کەرۆوە، با عال بزانۆ کە جە چکۆ بۆ با بۆ ئێمە درێژە بە کۊشیای مڎەیمۍ و جە گرڎ یاگېنە ۋنەپەرسایش چنی کەرمۍ".

گەنجەکۍ بە دروشمەکاو "بژیۋۆ سەرۆک ئاپۆ"، "بژیۋۆ مدرامانوو ۋەرنیشتی"، "ژەنی، ژیۋای، ئازاڎیی" و پی جۆرە دمایشا بە چالاکیەکەیشا ئارڎ.