جەنگاوەراو ئەڤین گۆیۍ جمیەروو شۆڕشگېڵنی یۊگېرتەو گەلا (هەبەدەهە)ی ئەرەیاۋناشا، بەمەبەسوو پەشتیوانی جە چالاکی مانگرتەی جە واردەی کە پەی ئازاڎیی ڕابەروو گەلوو کوردی عەبدوڵا ئۆجالانی جە زینڎانەکانە دەسشپنەکریان، جە مەنتیقەو تورەگیری ئەدەنەی چالاکیشا کەرڎ.

جە ئەرەیاۋناکەو هەبەدەهەینە ئامان، "٢١و کانونوو یووەموو ٢٠٢٣ شەوەو پەنج شەممەی جە دەوروبەروو سەعات ٢٤ینە، جەنگاوەرەکېما جە کۊڵانەو کۆزایێنە گورزەشا جە دوژمنی شانا، کە یەکە گېڵیارەکا بەدل کەرۍ. بە نارنجۆکە و مۆلۆتۆف هجومما کەرڎ سەروو ترۊمبېلېوە زریپۆشی. جە یاکامەنە ترۊمبېلە زریپۆشەکە کە جە جۆروو ئوڕاڵی بۍ زەرەرش وەرکۊت".