حەفتەو کولتوری ژەناو کوردی بە کۆنسێرتەکا جەمیلە دینچەرۍ و نێرگز دلۆی دمایش پنەئاما. نورێ ئاڵکشە ئەرەیاۋناش، کە ئاڎۍ جە تەماموو حەفتەکەینە حۊڵ مڎا کە کولتور، هونەر و زۋانی کوردی بە لایەنە جیاجیاکاشاوە نیشانە بڎا و پۍ گەلای تەریش گێڵناوە.
ناوەنڎوو ئاشتی ژەناو کوردی (جەنی) بە دروشمەو "هونەروو مدرامانی" جە بەینوو ٢-٨و ئادارینە جە بەرلینوو پایتەختوو ئەڵمانیاینە سەروو بنەماو نمایشگەو هونەر، پانێل، واردەی کوردەواری نەیتی، تێکست، گۆرانی واتەی، گەمە کوردەواریەکا و ئشناسای جل و بەرگی نەتەوەیی و سیمینارەکاو ژنۆلۆژی مەراسیمش ساز کەرد. مبارەکباییەکۍ ٨و مارسی بە کۆنسێرتوو هونەرمەنڎا جەمیلە دینچەرۍ و نێرگز دلۆی دمایش پنە ئاما. کۆنسێرتەکۍ دماو نمایشکەردەی فیلموو موزیکاڵی "گۆرانییەکاو کەزی سووری-ژەنی، ژیۋای، ئازاڎیی" هونەرگەو وڵاتی دەسشا پنەکەرد.
نوێنەرەو ئەنجومەنوو ژەنا ئێزدیی بەرلینی نورێ ئاڵکشە سەبارەڎ بە حەفتەی کولتوری ژەنا کوردی قسێش کەردۍ و بۆنەو ٨و مارسیوە مبارەک بایش چا ژەنا کەرد کە پەی ئازاڎیی کوردسانی کۊشیا و جە هەمان وەختەنە ئا ڕووەشە جە رابەروو گەلوو کوردی عەبدوڵا ئۆجالانی مبارەک کەرد.
نورە ئاڵکاشە واتش، کە ئاڎۍ جە ڕاو حەفتەی کولتوری ژەنا کوردیوە حۊڵشا دا کولتور، هونەر و زۋانی کوردی بە لایەن و رەهەندە جیاجیاکاشۆ نیشانە بڎا و پۍ ژەنا تەریش باس کەرا و پی جۆرە بەردەوامە بیە: " چنڎین سەڎێن سەروو جوگرافیاو ئێمۆ سیاسەتوو تاونایۆ کولتوری جابەجێ کریۆ. جە سایەو رابەر ئاپۆی و کۊشیای ٥٠ ساڵەیۆ ئێمە کولتور و زۋانوو ۋێما دیسان بەدەس ئاردۆ. ئێمە ئامانجما ئانەبۍ کە کولتوری قەڎیمی مێزۆپۆتامیای و نەرتیە پیرۆزەکاش بشناسمۍ. پێسە ژەناو کوردی ئێمە جە گرڎ مێڎانێوە کۊشیاینە بەشداربیەیمۍ".
تورکان ئاکتاشیچە ئانەش وست ڕووە کە چا ڕووایچەنە ٨و ئاداریچ پیرۆز کریا، ژەنی کوشیا و واتش، "ئێمە فرە دڵوەشێنمۍ کە رابەرایەتیما گرڎ مەجالێش پۍ کەردێنمۍ. جە ڕاو پاڕادایموو رابەر ئۆجالانیۆ ئێمە جە گرڎوو مێڎانەکانە خاوەنوو مافوو ڕابەربڕیەینمۍ، جە گرڎ مێڎانێنە بیەی و نوێنەرایەتی یەکسانما درێژە پنەمڎەیمۍ".
