هجوومەکا ڕوەکاو ئی دمایەو دەوڵەتوو ئەرەگیروو تورکیینە پەی سەروو سەرنیشت و وەرکەوتوو سوریای، تا ئێیساتۍ ٨ کەسۍ مەرڎێنێ. چاپخانەو سیماڤی، هەرمانگەو ئەمی جەزیرەنە، وێستگەو شەمەندەفەری و هەرمانگەو زەیتی و چندین شۊنۍ تەرۍ بۊردومانۍ کریێنێ. ئەزمیرنە و مێرسیننە و ڕحانە و ئەدەنەنە و جولەمێرگ و ئیدرنە، ئی هجوومۍ شەرمەزارۍ کریێ.

هامسەرۊکەو پارتوو یەکسانی و دیموکراسیی گەلا (دەم پارتی) ئەزمیرنە، زەهرا ڤازان کارابولوتە، واتش وەرنیشت هومێدوو ژیوای هامبەشوو گەلاو وەرکەوتوو دلێڕاسەین.  .

مێرسیننە پۊلیس گەرەکش بۍ نازۊ  چالاکییەکە کریۊ، جەماوەر بە درووشموو "فشار مەمردنۊما" و "بە مدرامان سەرۍ گنمێ" جوابشا داوە.  

چالاکییەکەو ڕحاینە، پۊلیس هجوومش کەرد سەروو جەماوەری، هامسەرۊکوو دەم پارتی مەنتێقەکەنە و هزنی کیلیچ و جەلال شاهین و سەعدەت ئایدن و عەبدوڵا ڕابیندوز و محەمەد ناجی یەڵماز و محەمەد جەیلان و محەمەد عەلی ئاسڵان و جەمیل تونجەر و زولەیخا گوڤەنج بە دایوەنەیوە دەسبەسەرۍ کریێ.

 چالاکییەکەو ئەدەنەینە، هامسەرۊکوو هەدەپەو ئەدەنەی، هێلین کایا، واتش: "پەی تورکیاێوە دیموکراتیکی دەس جە سیاسەتوو جەنگی ورگێرڎێ. ڕاسی و دەسکەوتیوو کوردا قبووڵ کەرڎێ".

چالاکییەکەو جولەمێرگینە، ئەنداموو کۊمیسۊنوو ورچنییەی دەم پارتی، ئۊرهان گور، داواش وەنەو  ڕای گردینوو دیموکراتیکی نەتەوەیی و میاننەتەوەیی و نەیاراو جەنگی کەرڎە دەس بە جمووجوڵۍ کەرا، ئەوەخوایش کەرڎۊ  پێوە متاومۍ جەنگی مردنمێ.  

چالاکییەکەو ئیدرینە، ڕاوەبەروو دەبەپەی، نەجلا کوم، ئەرەیاوناێوەش واناوە و داواش کەرڎە دەمودەس هجوومەکاو سەروو سەرنیشتی و وەرکەوتوو سوریای مردنیا.