ڕێژەو بەشداریی دەنگدەرا ورچنییەیی پەرلەمانینە ئەوەڵوو شۆڕشوو ئیسلامیی ساڵەو ١٩٧٩ ـۆ کەمتەرین بییەن. وەڵێ ورچنییەی چند گرووپێوەنە بانگەوازوو بایکۆتیشا کەرد. بەرکەوت بایکۆت کاریگەرا، بەتایبەت ورچنییەی یوەم دماو سەرەوردای ژەنی ژیوای ئازادی، کە دماو کوشتەی کناچە کوردە ژینا ئەمینیێ تاراننە ئەیلوولوو ٢٠٢٢ دەسش پەنە کەرد.  

قسەکەروو وەزارەتوو دلی موحسین ئیسلامی ئەرەیاوناش ٢٩٠ کورسیێ کاندیدانە، لایەنگێراو ڕژێمی جە خولی یوەمنە ٢٠٠ کورسیێشا بەردێنیوە.  

تەنیا ١١ ژەنێ ورچنینێ

هەرپاسە ٤٥ پەرلەمانتارێ تازێ پێسە چالاکا و کۆنەپارێزنا و سەربەوێ ورچنیێنێ. بەڵام ئی کەسێ دماو  پەسەندکەردەی دەوڵەتی و کۆنتڕۆڵی تندی بیێنێ بە کاندیدێ. چا کورسییا کە بەدەس ئامێنێ، تەنیا ١١ ژەنێ هەنێ. 

وەرپەرسێ بەتندی ڕاشا گێرتە جە بەشداربییەی ورچنییەی ئا سیاسەتمەدارانە پێسە ڕیفۆرموازی نامێ بریا و گەرەکشانە ڕاوەبەردەی وەڵاتی فاڕا.