جە هێلسینکیی پایتەختوو فینلەنداینە  بە جۊشوخرۊشێوە فرەوە نەورۊزوو ئێساڵی پیرۊز کریا.

ئاهەنگەکەو نەورۊزی، کە لاو ناوەندوو گلێرگەی دیموکراتیکوو کوردی (نەجەدەکە) ڕێکوزیابۍ دلێشنە حەر یۊ جە هونەرمەندا "سیمار، شەیدا قەوامی و دلۊ دۊغان" بەشڎارۍ بیۍ.

جە ئاهەنگەکەو نەورۊزینە، کە شەوەی ویەرڎۍ لوا ڕاوە، پەیاموو رێکوزیایەکا و پارتە کوردییەکا ونیاوە.

ئەنداماو حیزب و ڕێکوزیا چەپەکاو فینلەندای بەشڎارییشا جە ئاهەنگەکەینە کەرد و سڵامشا ئاڕاسەو کۊشەراو ئازادیی گەلووکوردی کەرد و نەورۊزشا جە تەماموو گەلوو کوردسانی مەبارەک کەرد.

ئاهەنگوو نەورۊزی بە جۊشوخرۊشێوە فرەوە تا  شەوۍ دێرینە درێژەش بۍ.

س.ز