چێروو نامێ "ئاشتی پەی وەرنیشت"ینە  ڕاپیمای کۆبییەیۆ  جە شاروو هیلسنکیی پایتەختوو فینلەندینە لوا ڕاوە.

ڕێکوزیایەکاو دۆساو کوردی پێسە ڕوستیۆپ فۆروو وەرنیشتی و نەجەدەکەی ئا چالاکییەشا کەردەبێ.

چالاکییەکە دلێڕاسەو شارەکەیۆ بە ڕاپیمای تا وەردەموو پەرلەمانی وچکلەی (بەشێوەن جە پەرلەمانی کە ئینا پاڵوو پەرلەمانینە) لوا ڕاوە. وەردەموو پەرلەمانی وچکلەینە جە لاو ڕێکوزیایەکاوە، قسێ پەی ڕۆنامەکا کریا و درووشمێ وچیێوە. جە ئەرەیاونیاکەینە داوا کریا دەوڵەتوو فینلەندی سەرجەنۆ قەدەغەو ورەتەی چەکی بە تورکیای مسۆگەر کەرۆ. داوایچ کریا کە هجوومەکاو سەروو کوردا مردنیا و حیچ سازشێوە وەراوەروو داواکارییەکاو تورکیایۆ پەیوەس بە مافەکاو ئینسانی نەکریۆ. جە چالاکییەکەنە عەلەمەکاو پەکەکە، یەپەگە، یەپەژەی و وەرنیشتی و پلاکاردی بەرزێ کریاوە.

چالاکییەکە بە واتەیۆ دروشما و گێڵنای ورپڕای دماییش ئاما.

س.ز