ناوەنڎو یاۋنەری و چاپەمەنی هەپەگەی ئەرەیاۋناش؛ کە هەرێمو بەستاینە ٥ ئەرەگیرۍ کە بەشڎاریشا جە ئۊپەراسیۆنەنە کەرڎەبۍ و دارۍ بڕېنێۋە، گەریلاکېما هورشاکواسەرشا و بە سزاشا یاۋنۍ.
جە یاۋنەریەکەو ناوەنڎو یاۋنەری و چاپەمەنی هەپەگەینە ئامان، "سوپاو تورکی ئەرەگیری سەرنیشتوو کورڎسانیەنە بە بڕیەیۊ درەختا ژیۋگەو کورڎسانی وێران کەرۊ، دژ بە هێزەکاما جە سەرنیشت ئۊپەراسیۆنی ئەسڕیەیۊ ڕاوەبەر کەرۊ و وەردەواما جە بۊمبۋاران کەرڎەی هێزەکاما جە هەرێمەکا پارېزناو مەدیاینە. هېزەکېما هەڕێمو بەستاو بۆتان-یەنە هورشا کوا سەرو ئەرەگیراو جە ئاکامەنە ٥ ئەرەگیرۍ سزادریۍ".
بە پاو یاۋنەریەکەو ناوەنڎو یاۋنەری و چاپەمەنی هەپەگەی زانیاریی وەرفراوان سەرو چالاکییەکا گەریلای و هجومەکا سوپاو تورکی ئەرەگیری پی جۊرەنە:
سوپاو تورکی کوشیاکا ۋېش ئاشکرا مەکەرۊ
"جە بۆتان؛
دەوڵەتو تورکی ئەرەگیری بە مەبەسو وېران کەرڎەو ژیۋگەو کورڎسانی ماوەو دوۍ ساڵان بۆتان-ەنە خجڵ و داربڕیەیۊین. دەوڵەتو تورکی قڕکەری بە تاڵانکەرڎەو جوگرافیا و کورڎسانی دژبە مرۆڤایەتی تاوانێوە گۊرۍ ئەنجام مڎۊ. کەشو گێسن-ینە جە هەرێمو بەستای بۆتانی بە بریەیۊ درەختەکا ئەرەگیرەکۍ ژیۋگە دلېنەبەرا و پا مەڵامەتیچۊ دەسشا بە ئۊپەراسیۆنی کەرڎەن. هێزەکېما ئەرەگیرەکېشا وستۍ چېرو چەمڎاری و ٧ و حوزەیرانینە هورشاکوا سەرو ئا هێزەو دوژمنی، جە یەرۍ قۊڵېوە بە شێۋېوە هەماهەنگ ئەو دوژمنیشا دا. جە یاگۍ نزیکۊ و بە چەکی سوک گورزۍ قورسەشا ئەو ئەرەگیرا ئەشا و جە ئاکامەنە ٥ ئەرەگیرېشا سزادۍ، ژمارېوە فرېچشا زامڎارۍ کەرڎۍ. سوپاو تورکی تەنیا کوشیېۋە ۋېش جە یاۋنەریەکاشۊ ئاشکرا کەرڎەن و ئەوۍ تەرېش شارتېنێۋە.
ئی چالاکیە جە کەسایەتی فەرمانڎۍ قارەمانېما گەشمەرڎۍ "لەیلا سورخوێن"ۍ پۍ ئەسایۊ حەقەو هامڕایاما "باوەڕ، رێنجبەر، دڵشێر و شەڕگەر"ی ئەنجام دریا، کە بەستانە جە هجومەکا ئی دماییەینە گەشمەرڎۍ بیۍ.
حیچ زەرەرېوە گیانیما نەبۍ
ئەرەگیرەکۍ کە گورزۍ قورسەشا وەرکەوت بە فڕۊکەی جەنگی و هەلیکۊپتەر مېڎانو چالاکییەکەیشا بە چڕی بۊمبۋاران کەرڎ، ئۊپەراسیۆنێوە وەرفراوانشا ئەنجامدا و ٨ و حوزەیرانی سەعاڎ ٠١:٠٠ بە فڕۊکەی جەنگی ٤ جارۍ بۊمبۋارانشا ئەنجامدا. چا چالاکییەنە و جە هجومەکا دوژمنیەنە حیچ زەرەرۍ گیانی وەرو هێزەکاما نەکۊت.
بۆمبی قەڎەغەکریا بە کارئاما
هجومەکۍ سوپاو تورکی ئەرەگیری بە بۆمبی قەڎەغەکریا:
مېڎانو مدرامانو کەشو ئێف ئێمی و هەرێمو گەشمەرڎە دەلیلی وەرنیشتوو زاپیەنە، سەنگەرەکېما ١٠و حوزەیرانینە جارێوە بە بۆمبی قەڎەغەکریا بۊمبۋاران کریۍ.
هجومەکۍ سوپاو تورکی ئەرەگیری؛
٩و حوزەیرانی مېڎانەکۍ سەرو مەتینای و دەگاو بێشلی هەرێمو مەتینای ٢ جارۍ بە فرۊکەی جەنگی بۊمبۋاران کریۍ.
١٠و حوزەیرانی مېڎانەکۍ مدرامانو کەشو ئێف ئێمی، کەشو ئامێدی، کەشو جودیی هەرێمو گەشمەرڎە دەلیلی وەرنیشتوو زاپی ٩٣ جارۍ بە کاتیوشا، تانک و چەکی قورس بۊمبۋاران کریۍ.
سوپاو تورکی ئەرەگیری ١٠و حوزەیرانی هجومش کەرڎ سەرو سەنگەرەکاما جە کەشو ئێف ئێمی و هەرێمو گەشمەرڎە دەلیلی وەرنیشتوو زاپی و حۊلشدا بە حەفارە وڕنۊشا".
هـ . ش
