مییانو ئەرەیاونا و چاپەمەنی هەپەگەی واتش: "سوپاو تورکی ئەرەگیری جە دژو هێزەکاما کە ئینا پێگەو ئایێربەستەینە، درێژە بە هرووژمی و بۆمبوارانەکاش مڏۆنە. جە هرووژمی ئاسمانی سوپاو تورکی ئەرەگیرینە کە بە فڕۆکەی بێفڕۆکەوان ئەنجامش دا، دووێ هەمڕێما گەشمەرڏێ بیێ."

هەپەگە پەیوەس بە هرووژمەکا سوپاو تورکی ئەرەگیر و وەرپەرچدایۆ هێزەکا گەریلای، ئی زانیاریێشە وەڵاکەردێوە:

"هرووژمەکێ سوپاو تورکی ئەرەگیری بە فڕۆکەی جەنگی؛

٧و نیسانی کاتژمێرسەعات ١١:٢٨ و ١١:٢٩ دەقێ سوپاق تورکی ئەرەگیری بە فڕۆکەی بێفڕۆکەوان بۆمبواران و مێڏانو چراڤو هەرێمو گارەیش کەرد و جە ئەنجامەنە دووێ هەمڕێما گەشمەرڏێ بیێ، کە سەرو هەمانەو وێشاوە بێنی. زانیارییەکێ سەرو هەمڕێ گەشمەرڏەکێما، دماتەر ئاشکرا کریانە.

٨ و ٩ی نیسانێ مێڏانەکا ئەرگەنێ و یەکمالێی هەرێمو گارەی ٢ جارێ، مێدانو بێشیلیی هەرێمو مەتینای جارێ، مێڏانو کەش و وەهاری هەرێمو گەشمەرڏە دەلیلو وەرنیشتوو زاپی جارێ؛ بە گرڏی ٤ جارێ بە فڕۆکەی جەنگی بۆمبوارانش کەرد.

هرووژمەکێ سوپاو تورکی ئەرەگیری بە چەکی قورس، تۆپ و هاوەن؛

٩و نیسانی سوپاو تورکی ئەرەگیری جە دەوروبەرو دەگاو مەزنێو هەرێمو مەتینای ئۆپەراسیۆنێوە ئەرەگیریش ئەنجام دا. چی ئۆپەراسیۆنەنە باخ و باخاتو دەگاکا جە لایەنو ئەرەگیراوە سۆچیا.

بەینو ٩ – ١٢و نیسانینە مێڏانەکا بەرێ‌زێنێ، سنین و لۆلانو هەرێمو خواکوڕکی ٣٣ جارێ، مێدانەکا کانی سارکێ، دێ‌ڕەشێ، مژێ، گردی سیسەر، زێڤکێ، گردی کون، گرگاشێی هەرێمو گارەی ١٢٧ جارێ، مێڏانەکا سەرو مەتینای، شێلازێ و بێشیلیو هەرێمو مەتینای ٢٧٢ جارێ، مێڏانەکا کەش و ئامێدی و کەش و وەهاری هەرێمو گەشمەرڏە دەلیلا وەرنیشتوو زاپی ٥٩٤ جارێ؛ بەگرڏی ١٠٢٦ جارێ بە چەکی قورس، تۆپ وهاوەن بۆمبواران کریێ.

دەسوەردای هێزەکاما جە دژو هرووژمەکا؛

٩و نیسانی سەعات ١٠:٣٠ هێزەکێما بە چەکی فەردی و ئۆتۆماتیک ٢ جارێ جواب و هرووژمە ئەرەگیرییەکا سەرو مەڕەکا مڏرامانو شێلازێی هەرێمو مەتینایشا داوە.

١٠ونیسانی سەعات ١٢:٤٠ هێزەکێما بە چەکی ئۆتۆماتیک ٢ جارێ جواب و هرووژمە ئەرەگیرییەکا سەرو مەڕەکا مڏرامانو شێلازێی هەرێمو مەتینایشا داوە.

١٢و نیسانی سەعات ٠٦:١٥ تڕۆمبێلێوە زرێپۆش بە چەکی قورس مەڕێ و سەنگەرەکاما جە مێڏانو سەرگەلێو هەرێمو گەشمەرڏە دەلیلس وەرنیشتوو زاپیش بۆمبواران کەرد. هێزەکێما بە درۆنێوە کامیکاز گورزەشا چا تڕۆمبێلە زرێپۆشەیە شانێنە."