هەپەگە بارەو ماهیر بنەڤش و ئازاد سەرابیوە، کە زاپنە گەشمەردۍ بیۍ، پێسە دوا، "بە کۊشیای و گەشمەرڎەبییەیشا بیۍ بە پرڎەو بەینوو گەلاو کوردی و عەرەبی. بیۍ بە ئامیانوو یۊبییەی گەلا و مەنتێقەو وێشا جە تارێخوو کۊشیایمانە نویسیێوە".
جە ئەرەیاونایەکەو ناوەندوو ئەرەیاونای و چاپەمەنیی هەپەگەینە ئامان، "٢٢ حوزەیرانوو ٢٠٢٣ جە هجووموو دوژمنینە پەی سەروو هەرێموو گەشمەرد دەلیلوو وەرنیشتوو زاپی ڕۊڵۍ هێژا و بەنرخۍ گەلوو نسێبین ماهیر بنەڤش و ڕۊڵەی ئازاو گەلوو عەرەبی ئازاد سەبار، کە بە بڕوابییەی بە یۊبییەی گەلاوە تێکەڵ بە ڕیزەکاو پەکەکەی بیۍ، گەشمەردۍ بیێ".
جە ئەرەیاوناکەینە ئامان، کە هەر دووە گەشمەرڎەکۍ دلۍ ئا مەیدانانە کە بەرزترین ئاستوو مدرامانیشا چەنەبۍ، گژیۍ و: " هامڕێما ماهیر و ئازاد خاس هاگادارۍ ئانەیە بێنۍ، کە دەوڵەتوو تورکی قڕکەری جگە جە ستەمی هیچ چێوێوە تەر بە گەلوو کوردی و گەلاو وەرکەوتووو دلێڕاسەی مەدۊ و یاوێبێنێنە کە کۊشیای دژوو ئی ستەمی، وەرپەرسبییەێوە شۊڕشگێڵنیی تارێخیین. پی زانابییەیوە پەی دەیەقێوەیچ دووەدڵۍ نەبیۍ، هەرمانەی شۊڕشگێڵنییەو وێشا پۊڕنا. چا مەیدانانە کە مدرامان دلێشەنە بەرزتەرین ئاستنە بۍ، جە یەک سەنگەرنە پێسە جەنگاوەرێوە ئاپۊیی گژیۍ. زانێنۍ کە کە بەس پێسە متاوا ئەرکی شۊڕشگێڵنیی وێشا بیاونا یاگۍ و هەم بایچ بە جوابوو وەرپەرسبییەی قۊناغی تارێخیی کۊشیایەکەیما، پەوکای پا جۊرە جووڵیایوەیە. بە وەشەسیای بیۍ بە دڵسۊزۍ ژیوای ئازادی، کە بە ئەندێشەو نەتەوەی دیموکراتیکوو ڕابەر ئاپۊی، واڵەو براڵەیی گەلاو بە سەرمەشقایەتیی پەکەکەی وەرکەوتوو رۊژهەڵاتی دلێڕاسەی بونیاد نریان. بە تاسەو ئازادییوە، ڕەنج و ئازایەتیی گەورەشا وست ڕووە و دژوو ئەرەگیرا گژیۍ. هامڕێما ماهیر و ئازاد چا وەختۊ تێکەڵ بە کۊشیای بیۍ، تا وەختوو گەشمەرڎەبییەیشا، بە گیانبازییوە گژیۍ و تا دماهەناسەشا هەرگیز سازششا سەروو ڕاپیمای گیانبازانەیشا نەکەرد.
هامڕێما ماهیر و ئازاد بە کۊشیای و گەشمەرڎەببیەیشا بیۍ بە پرڎەو بەینوو گەلاو کورد و عەرەبی. بیۍ بە هامیانوو یۊبییەی و نامێشا تارێخوو کۊشیایمانە نویسیاوە. ئێمە ئا رۊڵە ئازایاو گەلوو کوردی و عەرەبی بە ڕێزۊ یادۍ کەرمێوە. وەعد مدەیمۍ کە کە یادشا دلۍ باخچەو ئازادیی گەلانە بەرڎەوام بە زیندەیی بازمێوە. سەرەوەشی جە گەلە وەڵاتپارێزاو عەرەبی و کوردی و بەتایبەتی بنەیانەی بەڕێز و بەنرخوو ئا گەشمەرڎا کەرمۍ.
زانیاری بارەو شناسنامەو هامڕا گەشمەرڎەکاوە پێسنەن:
ناسناو: ماهیر بنەڤش
ناو و پاشناو: ئیدریس ئەرکۆل
شوێنی لەدایکبوون: ئیستەنبوڵ
ناوی دایک- باوک: یاسمین - سلێمان
کات و شوێنی شەهیدبوون: ٢٢ی حوزەیرانی ٢٠٢٣/ زاپ
شناسنامێ: ئازاد سەراب
نامۍ و دمانامێ: عەلی دەملەخی
یاگۍ پەیدابییەی: منبج
نامۍ ئەدێ-تاتەی: مریەم- ئەحمەد
وەخت و شۊنەو گەشمەرڎەبییەی: ٢٢ حوزەیرانوو ٢٠٢٣/ زاپ
