هەپەگە: دڵسۊزۍ نەریتوو مدرامانوو پەکەکەی بێنێ
هەپەگە ٤ گەریلۍ گەشمەرڎێش یاڎ کەرڎێوە و واتش "هامڕێما هاروون، باگەر، دژوار و عەگید دڵسۊزۍ نەریتوو مدرامانوو پەکەکەی بێنۍ، جە هجوومەکاو دوژمنینە گەشمەرڎۍ بیێ".
هەپەگە جە بارەو ٤ گەریلایاوە، کە جە هەرێمەکاو پاریزنای میدیاینە گەشمەرڎۍ بیۍ ئەرەیاوناێش وەڵا کەرڎۊ. ئەرەیاوناکەی پێسنەن:
"کۊشیای ئازاڎیما بە قوربانیدانی قورس، گرد ڕوێوە تا مۍ زیاڎتەر گەورە بۊ و مدرامانی تاریخیی پەی ئازاڎیی گەلەکەیما سەیەو ئانەیۊ مۊ ڕاوە. گەریلاکاو ئازاڎیی کوردسانی کە وێشا پەی ئازاڎیی گەلەکەیما بەخت کەرڎەن، حەرگیز سڵشا چا قوربانیدایە نەکەرڎەنۊ و ئارۊیچ سەروو خەتەو گیانبازیوە درێژە بە کۊشیای مدا. قارەمانتەرین ڕۊڵەکاو گەلەکەیما، هامڕێما تا دماهەناسەشا پاشا سەروو سەروو کۊشیای گێرتەرە، میراتوو مدرامانوو پارتەکەیماشا گەورەتەر کەرد، وەفاڎارییشا بە گەشمەرڎەییشا سەلەمنا. هامڕێما هارون، باگەر، دژوار و عەگیدیچ کە دڵسۊزۍ نەریتوو مدرامانوو پارتیما پەکەکەی بێنۍ، جە ئەنجاموو هجوومەکاو دوژمنینە گەشمەرڎۍ بیۍ.
ئەوەڵۊ سەرەوەشی جە بنەیانەی بەڕێزی و بە نرخیشا کەرمۍ، کە قارەمانتەرین ڕۊڵەکێشا بە کۊشیای ئازاڎیی گەلەکەیما بەخشۍ و هەرمانەو وەڵاتپارێزیی وێشا بەبۍ کەموکوڵی مسۊگەر کەرد، حەرپاسە سەرەوەشی جە گەلی وەڵاتپارێزنوو کوردسانی کەرمۍ. قەرار دووبارە کەرمێوە، کە کۊشیای ئەفسانەیی سەروو خەتەو گەشمەرڎاوە بیاونمۍ سەرکەوتەی.
زانیاری سەروو ئەو هامڕایامان کە گەشمەرڎۍ بیێنێ:
نامۍ و دمانامێ: رەجەب کایا
ئشناسنامێ: هاروون توڵهڵدان
یاگۍ جەئەدابییەی: سێرت
نامۍ ئەدێ-تاتەی: سافیە- محەمەد
یاگۍ و شۊنەو گەشمەرڎەبییەی: ٢٦وو نیسانوو ٢٠١٩/ هەرێمەکاو پارێزنای مێدیای
نامۍ و دمانامێ: سەلجوق کلیچچەکان
ئشناسنامێ: باگەر وان
یاگۍ جەئەدابییەی: وان
نامۍ ئەدێ-تاتەی: جانان- سەیفەدین
یاگۍ و شۊنەو گەشمەرڎەبییەی: ٢٦وو نیسانوو ٢٠١٩/ هەرێمەکاو پارێزنای مێدیای
نامۍ و دمانامێ: محەمەد ئەمین گۊچەر
ئشناسنامێ: دژوار کچی
یاگۍ جەئەدابییەی: شڕنەخ
نامۍ ئەدێ-تاتەی: خەدیجە- بەهاڎین
یاگۍ و شۊنەو گەشمەرڎەبییەی: ٢٦وو نیسانوو ٢٠١٩/ هەرێمەکاو پارێزنای مێدیای
نامۍ و دمانامێ: موراڎ کۊچهان
ئشناسنامێ: عەگید بارگران
یاگۍ جەئەدابییەی: وان
نامۍ ئەدێ-تاتەی: یەڵدز- نەسیر
یاگۍ و شۊنەو گەشمەرڎەبییەی: ١٩وو ئابوو ٢٠١٩/ هەرێمەکاو پارێزنای مێدیای
س.ز
