هەپەگە: گۊش جە درووەکاو جەنگی تایبەتی مەگێردێ!
هەپەگە ئەرەیاوناش "ئەو هەواڵێ میدیاو جەنگی تایبەتیوو ڕژیمی فاشیستینە بارەو هێزەکاما و فەرمانڎەکاماوە وەڵێ باوە، دوورێنێ جە ڕاسییوە، با گەلەکەما گۊش چا درواو جەنگی تایبەتی نەگێرۊ".
ئەرەیاونیاو ناوەنڎوو ئەرەیاونای و چاپەمەنیی هەپەگەی ئینەن:
"زانیاریی وەرفراوان سەروو هجوومەکاو سوپاو تورکی ئەرەگیری:
'٣ێ ئایاری مەیڎانەکاو مدرامانوو کەشوو جودی، کەشووئێف ئێمی و کەشوو ئامێدی، سەنگەرەکاو مدرامانیما جە چەمچۊ و سیڎانە ١٣ جارێ بە کاتیوشا، تانکێ و چەکی قورس بۊرڎومانێ کریێنۍ.
ئەرەگیرێ حەوڵێشا دێ سەنگەرەکاو جەنگی جە مەیڎانوو مدرامانوو کەشوو ئێف ئێمینە بە حەفارە وڕنا.
گۊش جە هەواڵە دروا مەگێرڎێ
ڕژێموو ئاکەپە-مەهەپەی فاشیستی، کە تا ئاخر پێ گێرۊرە سەروو سیاسەتوو جەنگی، جە سەیەو وێگێریی گەریلاکاو ئازاڎیی کورڎسانینە نەتاوانش یاوۊ بە حیچ. پەوکای جە ڕاو میدیاو جەنگی تایبەتیوە هەواڵێ دروێ وەلێ کەرۊوە و حەولێ مڎۊ، کە سەرکەوتەی ساختە بخولقنۊ. ئەو هەواڵێ میدیاو جەنگی تایبەتوو ڕژێمی فاشیستینە بارەو هێز و فەرمانڎەکاماوە ورشابەسا دوورێنۍ جە ڕاسییوە. با گەلەکەما گۊش چا هەواڵە درواو جەنگی تایبەتی نەگێرا. ئا هامڕێما کە باسشا کەرا سەروو هەرمانەو وێشاوە بەرڎەوامێنۍ. با گەلەکەما گۊش جە هەواڵە دروا نەگێرا جە چوارچوەو جەنگی تایبەتینە وەڵۍ کریاوە".
س.ز
