هەپەگە ئەرەیاۋناش: "گەورەتەرین ئامانجوو هامڕایاما هاڤینۍ و دەلیلی ئانەبۍ کە بانۍ بە هامڕای عال و ڕابەر ئاپۆی. گەرەکشابۍ بانۍ پا گیانبازا کە ئازاڎیی گەلەکەیشا مسۆگەر کەرا. بە رەنج و بەشداربیەی ۋېشا بە ئازایەتی جە مېڎانوو جەنگینە، یاوۍ پا ئامانجەیشا".
ناوەنڎوو ئەرەیاۋنای و چاپەمەنی هەپەگەی ئەرەیاۋنانش: "٤و کانونوو یووەم و ٢٠٢٣ جە هجومەکا دوژمنیەنە پۍ سەروو هەرێموو گەشمەرڎە دەلیلوو ۋەرنیشتوو زاپی هامڕۍ بە قیمەتېما هاڤین گابارە و دەلیل تۆڵهەڵدان گەشمەرڎۍ بیۍ".
ئەرەیاۋناکەو ناوەنڎوو ئەرەیاۋنای و چاپەمەنی هەپەگەی پی جۆرەنە:
هامڕێما هاڤینە و دەلیل پېسە شێوازێوە ژیۋای بە گیانبازییوە ژیۋۍ. جە گرڎ ساتێوەنە کە هەناسە دېنۍ، بە پاو پیرۆزی گیانبازی ژیۋای. هامڕێما هاڤینە و دەلیل پەو پەڕوو وەشەسیایوە بەشداریشا جە ژیوای ئازاڎینە کەرڎ، جە ناخوو ۋېشانە خۊتان گیانبازی، رەنج، ئازایەتی، خاکیبیەی، کەسایەتیێوە قووڵ، ورەی پتەو و هێزوو مردایۆ ۋەران ۋەر بە گرڎ جۆرە دژواریېوە بیۍ. کاریگەریچشا سەروو هامڕایاشاوە نیارە و ئا ژیۋایشا گەورەتەر کەرڎ. هامڕېکێما جە هەر مەنتیقېوەنە بیۍ با ، سەرنجوو چواردەوریشا لاو ۋېشارە کێشتەن. بە کەسایەتی جەوهەری ۋېشا یاگێشا دڵوو گرڎوو هامڕایاشانە کەردۆ. گەورەتەرین ئامانج و ئاواتوو هامڕایاما هاڤینۍ و دەلیلی ئانەبۍ کە بانۍ بە هامڕېوە عال پۍ ڕابەر ئاپۆی. گەرەکشابۍ بانۍ پا گیانبازا کە ئازاڎیی گەلەکەیشا مسۆگەر کەرا. بە رەنج و بەشداربیەی ۋېشا بە ئازایەتی جە مېڎانوو جەنگینە، یاوۍ پا ئامانجەیشا.
پېسە هامڕایاشا، ئێمە وەعد مڎەیمۍ کە بەردەوام سەروو ڕاو هامڕایاما هاڤینۍ و دەلیلی، هەس بە وەرپرسیاری کەرمۍ، پۍ ئانەی شایەنوو ئاڎیشا با و جەنگوو ئازاڎیی بە گیانبازی ئاپۆیی بیاونمۍ بە ئەنجام. پا هەستۆ سەرەوەشی جەگەلی وڵاتپارێزوو کوردسانی بەتایبەتی بنەیانەو بەقیمەتوو هامڕایاما کەرمۍ.
زانیاری جە بارەو ئشناسنامەو هامڕا گەشمەرڎەکاماوە پی جۆرەنە:
ناسنامۍ / هاڤین گابار
نامۍ و دمانامۍ / جانان ئۆرال
شۊنماو جە ئەڎابیەی / ئایدن
نامۍ ئەڎۍ و نامۍ تاتەی / رەحمەت عەبدولعەزیز
شۊنماو وەختوو گەشمەرڎە بیەی / ٤و کانونوو یووەم و ٢٠٢٣/ زاپ
*****
ناسنامۍ / دەلیل تۆڵهەڵدان
نامۍ و دمانامۍ / یسا قەهرەمان
شۊنماو جە ئەڎابیەی / ئاگری
نامۍ ئەڎۍ و نامۍ تاتەی / کەمالی- ئاغابەی
شۊنماو وەختوو گەشمەرڎە بیەی /٤و کانونوو یووەم و ٢٠٢٣/ زاپ
