هەپەگە گەشمەرڎە "دڵخوازگاباری"ش بە رێزۊ ۋیرئاورڎۊ و ئەرەیاۋناش، "جە ژیای شۊڕشگێڵی ٣٢ ساڵەیشەنە بە شێۋېوە گیانبازانە بەشڎاریش جە خەتەو رابەر ئاپۊینە کەرڎ و عمرو ۋېش پەی ئاینڎەو ئازاڎیی گەلەکەیما بەخت کەرڎ".
ئەرەیاۋناکەو ناۋەنڎ و یاۋنەری و چاپەمەنی هەپەگەی پی جۊرەنە:
"هەڤاڵما "دڵخواز گابار" یۊ جە جەنگاوەرا وەڵېوەبیەی پارتیما پەکەکەی، یۊ جە فەرمانڎە قارەمانەکا سوپاو گەریلایما و، رەنجدەرێۋە گیانباز و رۊڵەو قارەمانو گەلەکەیما، جە ئاکامو ھجومېۋە دوژمنی جە ٢١و ئایارو ٢٠٢٢ېنە گەشمەرڎەبی. هەڤاڵ دڵخواز کە ئەنڎامێوە فەرمانڎەیی ئەیالەتی بۍ پەی سەرکۊتەو ئەرەکۊشای ئازاڎیی گەلەکەیما، حۊڵ دۍ بە وریایی و بە گیانێۋە فیداکاری وەرپەرسیاری وېش جابەجۍ کەرۊ. کۊشیای ھەڤاڵ دڵخوازی کە ٣٢ ساڵۍ پۍ ئازاڎیی گەلەکەیما بۍ مرڎای وەردەوام بۍ، سەرگوزشتەو ژیایۍ ئەفسانەیین. ھامڕاما جەڵایەنو رێبوارا ڕاپیماو شۊڕشگێڵی و گرڎو جوۋانا کورڎیۊ بۊ بە نمونە، بە دڵنیاییوە ئامانجەکېش یاوا بە سەرکۊتەی و یاڎو ئاڎی جە کورڎسانی ئازاڎەنە بە زینڎەیی ڕاگیریۊ. سەرو ئی بنەمۍ ئێمە سەرەوەشی جە خانەواڎەی بەڕێزیشا و گرڎو گەلوو کورڎسانی مکەرمۍ.
ئشناسنامەو هەڤاڵ دڵخوازی پی جۊرەنە:
ناسنامۍ: دڵخواز گابار
نامۍ و دمانامۍ: محەمەد دۊغان
یاگۍ جە ئەڎابیەی: مێردین
نامۍ ئەڎۍ- تاتەی: لەیلا - فەوزی
وەخت و یاگۍ گەشمەرڎەبیەی: ٢١و ئایارو ٢٠٢٢/ هەرێمەکۍ پارېزناو مەدیای
ھامڕاما دڵخواز جە مەنتیقەو هەزەخی جە مێردین کە خۊتان نەریتێۋە مدرامانی ڕېخەداری قووڵا جە خانەواڎېۋە وڵاڎپارێزی سەر بە عەشیرەتو هاروونی جە دەگاو بافۍ جە ئەڎۍ بیەن. دەگاو بافۍ چنی هەنگامەو ١٥و تەباخی گەریلاکۍ ئازاڎیی کورڎسانیش ئشناسۍ و بە وەفاداریۊ بەشڎاریش جە ئەرەکۊشاینە کەرڎ و وەردەوام رۊڵەکېش کیانۍ دلۍ ریزەکا گەریلای
ھامڕاما دڵخواز کە جە زارۊڵەیۊ جە نزیکۊ گەریلاکۍ ئازاڎیی کورڎسانیش ئشناسۍ حەر جە سەرەتاوە کەوت چېرو تەئسیرو ژیای پیرۊزی و پەیوەنڎی ھامڕایی گەریلاکا پەکەکەی و دماجار جە ساڵەو ١٩٩٠یۊ جە مێردینۊ بەشڎاریش جە ریزەکا گەریلاینە کەرڎ و ٣٢ ساڵۍ سەرو خەتەو مدرامانو پەکەکەی سەرو ڕاو ئاینڎېوە ئازادی بە شێۋېوە گیانبازانە ڕاشکەرڎە، میراسو کۊشیای کە فەرمانڎەی نەمرما دڵخواز دماو ۋێش جیاش ئاستەن، جە لایەنو ھامڕایاشۊ بە سەرکۊتەی تاجدار کریۊ".
هـ . ش
