ناوەندوو ئەرەیاۋنای و چاپەمەنی هەپەگەی ئەرەیاۋناش، گەریلاکاو ئازاڎیی کوردسانی کە جە خواکورک و مەتینانە گورزەی قورسەشا جە سوپاو تورکی ئەرەگیری شانان، ڕۊی دماتەر زاپیچەنە ٣٤ ئەرەگیرېشا بە سزا یاونۍ. هەپەگە ئەرەیاۋنایچش، کە یەرۍ گەریلۍ گەشمەرڎۍ بیېنۍ.
ئەرەیاۋناکەو ناوەندوو ئەرەیاۋنای و چاپەمەنی هەپەگەی پی جۆرەنە:
"گەریلاکاو ئازاڎیی کوردسانی بە گیانۍ فیدایی ئاپۆیی، بە ئازایەتیېوە بەرز و ئیراڎېوە حېقمۆ ئۆپراسیۆنی شۆڕشگێڵنی ئەنجام مڎا. چالاکی هەماهەنگ جە مەتینا و ئۆپراسیۆنی شۆڕشگێڵنیی گەشمەرڎە ئەحمەڎ روباری کە ٢٢ۍ کانونوو یووەمی خواکورکەنە ئەنجام دریا، چنی ئۆپراسیۆنی شۆڕشگێڵنی کە ٢٣ۍ کانونوو یووەمی جە مېڎانوو مدرامانوو کەش و ئامێدی و کوڕەژارۆو زاپی کریۍ، گورزەی گۊرېشا جە سوپاو تورکی شانان. سوپاو تورکی بە ئۆپراسیۆنە شۆڕشگێڵنییە شۊن بە شۊنەکا، گورزەی گەورێس دریېنە ۋنە و زەرەری گیانی فرەش وەرکەوتەن. سەرەڕاو ئانەی زەرەرە گیانیەکۍ سوپاو تورکی تا ئیسە جە لایەنوو هێزەکاماوە بە بەڵگە و زانیارییوە ئاشکرا کریېنۍ، بەڵام سوپاو ئەرەگیری و ئەرەیاۋناو جەنگی تایبەتوو ئا سوپۍ حۊڵ مڎۆ کە ژمارەو زەرەرە گیانیەکاش جە رای گرڎیی تورکیای و گرڎوو جەهانی شارۆوە. سەرەڕاو ئانیشایچ چنڎە شڵەژیا و حۊڵ بڎا شاراشۆ مەتاوا کاریگەری ئا گورزە قورسا شاراوە، کە گەریلا چاڎیشاش دان".
ئانەی سوپاو تورکی و میدیاکېش ئەرەیاۋنانش، بە تەمامی دروېنە
سوپاو ئەرەگیری و ئەرەیاوناو جەنگوو تایبەتی ئا سوپۍ، بانگەشەو ئانەی کەرا کە زەرەری گیانی فرەشا ئەو هێزەکاو گەریلای دان، جە لېوە حۊڵ مڎا ورەی وڕاو ۋېشا گېڵناوە، ئا سەروازاشا هانی بڎا کە پۍ زەڕی جەنگ کەرا، بەڵام تواناو جەنگیشا نییا، چەو لایچۆ حۊڵ مڎا شکستەکەیشا بە شێوېوە جیاواز نیشانەو رای گرڎیی تورکیای بڎا. مشۊم گرڎوو گەلە وڵاتپارێزەکەیما و رای گرڎیی تورکیای بزانا؛ کە جە ئۆپراسیۆنی شۆڕشگێڵنیی گەشمەرڎە ئەحمەڎ روبارینە هامڕاما مەمیان، جە ئۆپراسیۆنی شۆڕشگێڵنی کەش و ئامێدیچەنە هامڕاما وڵات، هەڵمەت و حسێن گەشمەرڎۍ بیۍ. جگە چا چوار هەڤاڵە ئازا و قارەمانەیما حیچ زەرەرېوە گیانیما نەبیەن. ئانەی سوپاو تورکی ئەرەگیر و میدیاو جەنگوو تایبەتی ماچاش جە بارەو زەرەرە گیانیەکاو گەریلایۆ، بە تەمامی دروېنە.
جە ٧ قۆڵېوە گورزەش ۋنە شنیا
زانیاری ۋەرفراوان جە بارەو ئۆپراسیۆنی شۆڕشگێڵنی کەش و ئامێدی پی جۆرەنە:
'٢٣ۍ کانونوو یووەمی سەعات ١٤:٤٠ دەیەقۍ دژوو ئەرەگیرا جە مېڎانوو مدرامانوو کەش و ئامێدی جە هەرێموو گەشمەرڎە دەلیلوو ۋەرنیشتوو زاپی ئۆپراسیۆنی شۆڕشگێڵنیی ئەنجامدریا. چا ئۆپراسیۆنە شۆڕشگێڵنییەنە؛ ٢٠٠ ئەرەگیرۍ، ٤٤ سەنگەرۍ و خێمۍ، تانک و زرێپۆشۍ ئەرەگیرا کە جە یەرۍ بەشا پێکئېنۍ کریۍ ئامانج. جە ئۆپراسیۆنی شۆڕشگێڵنینە کە بە تاکتیکوو هۊرکوای سەری دەسشپنەکەرڎ و جە ٧ قۆڵا پېکئاما، سەرەتا بە نانرجۆکە و چەکی سوک بە شێوېوە کاریگەر جە ئەرەگیرا دریا. جە یەرۍ قۆڵا ئۆپراسیۆنەکەینە بە نارنجۆک، چەکی سوک و چەکی نیم ئۆتۆماتیک جە ئەرەگیراشا دا، لووۍ سەرشا و جە یاگۍ نزیکۆ بە شێوېوە کاریگەر دېشا ۋنە. ٤ قۆڵەکەی تەروو ئۆپراسیۆنی شۆڕشگێڵنیچ بە چەکی سوک، نیو ئۆتۆماتیک و چەکی قورس جە ئەرەگیراشا دا.
وەڵات، هەڵمەت و حسێن بە وڕنای سەنگەرەکا لووۍ وەڵۍ
بە سەرمەشقایەتی هامڕایما وەڵاتی یەکینەو هجومبەری ئۆپراسیۆنی شۆڕشگێڵنی جە ماوېوە کەمەنە بەشوو یووەموو ئا یاگۍ ئەرەگیرەکېش چنە بېنۍ بە تەمامی وستش چېروو کۆنتڕۆڵوو وێش. گرڎوو سەنگەر و خێمەکاو ئەرەگیرا چا بەشەنە بەتەمامی دلېنەبریۍ. بەمەڵامەتوو دایوەنەی کاریگەروو یەکینەو ئۆپراسیۊنی شۆڕشگێڵنی، ئەرەگیرەکۍ چا بەشەنە سەنگەرەکېشا چۆڵکەردۍ و بەرەو بەشی دووەمی بڕەمۍ. ئەرەگیرەکۍ جە بەشی دووەمیچەنە جە تەرەفوو یەکینەکا تەروو ئۆپراسیۆنی شۆڕشگێڵنیوە بە چەکی سوک و نارنجۆکە جە نزیکۊ کریۍ ئامانج و گورزەی قورسەشا ونەشنیا. هامڕېما وەڵات و هەڵمەت سەرباروو ئانەی چا زامڎارۍ بیۍ، سەرەڕاو قورسی زامەکاشا بە ئازایەتی، بە ئیراڎە و پا گیریېوە گۊرۆ درێژەشا بە ئۆپراسیۆنی شۆڕشگێڵنی دا و بەردەوامۍ بېنۍ جە جەنگی دژوو دوژمنی. هامڕېما وەڵات و هەڵمەت تا دما هەناسەشا بە قارەمانێتی جەنگشا کەرڎ و گەشمەرڎۍ بیۍ. هامڕا حسێن کە یۆ جە جەنگاوەرا سەرمەشقوو ئۆپراسیۆنی شۆڕشگێڵنی بۍ، بە گیانێوە فیدایی ئاپۆیی و ئازایی گۊرۆ بە نارنجۆکەی دەسی و چەکی سوک لووا سەروو دوژمنی و یۆ بە یۆ سەنگەرەکۍ دوژمنیش وڕنۍ و قارەمانانە یاوا بە قافڵەو گەشمەرڎا.
هێزەکۍ ئۆپراسیۆنی شۆڕشگێڵنیما کە جە هەردووە بەشەکەنە گورزەی قورسەشا جە هێزەکاو دوژمنی شانا، جە هەرێموو مدرامانوو کەش و ئامێدینە ٣٤ ئەرەگیرېشا بە سزا یاونۍ.
