هەپەگە-نەڕەچە بە ڕێز و شکۆوە یاڎو گەریلێوە گەشمەرڎێش کەرڎۆ و واتش، "هەمڕاما دونیا دیجلە جە ژیۋایشەنە تا ساتو گەشمەرڎەبیەیش بە بڕیارداریی و ئیرادەشۆ پەی سەرکۊتەی و ئارۊیچەنە بیێنە بە ئیلهام پەی هەمڕایاش کە مەڕەکانە ئەوەکۊشا."
ئەرەیاۋناو مېیانو ئەرەیاۋنای و چاپەمەنیی هەپەگەی (هەپەگە-نەڕەچە) پی جۊرەنە:
"هەمڕا دونیا دیجلە جە مەڕەو گەشمەرڎە پیردۆغانینە جە مېڎانوو کەشو ئامێدی جە هەرێمو گەشمەرڎە دەلیلی جە ۋەرنیشتوو زاپی پېسە میلیتانێوە فیدایی ئاپۆیی ڕابەرایەتی مدرامانێوە تاریخیش کەرد و جە ٢٦و تشرینو دووەمو ٢٠٢٤ـینە گەشمەرڎې بیە. هەمڕا دونیا دلې تەڤگەری ئاپۆیینە بیە بە شایەتەو ژیۋای ئازادی و سەرکۊتەی و قەرارش دا بە باوەڕی و بڕیاردارییوە، بێ دووە دڵی بەشدارەو دلې ڕیزەکا ئەوەکۊشای بۆ. جە گرڎ ساتەوەختێوە ژیۋای ئەوەکۊشای ۋێشەنە بەردەوامیش بە گێڵای بێکۆتاو ئازادی دا.
پۊکەی بە ئەرکی سەرەکی ۋێش زاناش، جە هێڵۊو ئازادینە وێش بنیاڎ بنیۆ و بە کەسایەتی قارەمانی، بڕیارداری و ئەسراری جە ئەوەکۊشاینە ۋێش بەروست. بە کارەکتەری پاک، درووس، دڵواز و ڕەنجدەریی کە ئەجې فریشتێنە، جە دڵو گرڎو ئا هەمڕایاشەنە کە چنیشا کۆشش کەرڎەن یاگې ۋێش گێرت.
هەمڕا دونیا دیجلە پېسە گەریلێوە پرۆفیشناڵەو هێزە تایبەتەکا، بەشێوێوە چالاک بەشدارەو مدرامانەکا ۋەرنیشتوو زاپی بیە، بیە بە کۊششکارێوە بێ تەرسەو ئی ئەوەکۊشا تاریخیە. هەمڕێما دوونیا دیجلە جە ژیۋایشەنە تا ساتو گەشمەرڎەبیەیش بە بڕیارداریی و ئیرادۆ پەی سەرکۊتەی و ئارۊیچەنە بیێنە بە ئیلهام پەی هەمڕایاش کە جە مەڕەکانە ئەوەکۊشای مکەرا.
سەرەوەشی ۋێما جە بنەیانەو هەمڕای ئێژێما، گرڎو گەلو عەفرینی و گەلو کوردەسانی وڵاتپارێزنیما مکەرمې، سەرو ئی بنەمایې جە ئاستو ویرئاردەیۆ گەشمەرڎە قارەمانەکامانە بە ڕێزۆ سەرەما منامنمېرە.
زانیارییەکې دەربارەو شناسنامەو هەمڕا دونیا دیجلەی:
ناسنامې / دونیا دیجلە
نامې و دما نامې / سۆزدار دیلی حەسەن
شۊنەماو جە ئەڎابیەی / شەهبا
نامې ئەڎې و نامې تاتەی / فاتمە-ئەحمەد
شۊنەماو کاتو گەشمەرڎەبیەی / ٢٦و تشرینو دووەمو ٢٠٢٤/ زاپ."
*****
