ناوەنڎو یاۋنەری و چاپەمەنی هەپەگەی زانیاریش جەبارەو شناسنامەو یەرۍ گەریلایاوە ئاشکرا کەرڎ کە گەشمەرڎۍ بیۍ. ئەرەیاۋناکەو هەپەگەی پی جۊرەنە:

فەرمانڎەما سینان دژوار و هامڕېما مەزڵوم کۆچەر و ئارارات تۆڵهەڵدان ١٠و ئادارو ٢٠٢٣ جە پانیشتوو کورڎسانی جە وەختېنە کە خەریکۍ جابەجێکەرڎەو ئەرکەکاشا بېنۍ جە ئاکامو هجومۍ دوژمنینە گەشمەرڎۍ بیۍ. جەنگاوەری دڵسۆزو پارتیما پەکەکەی هەڤاڵ سینان کە ٣٠ ساڵۍ عمرو ۋېش بە کۊشیای ئازاڎی بەخشا جە ئاستو فەرمانڎەیی ئەیالەتینە دەورش گېڵنا، چنی دوۋۍ هەڤاڵا ۋېش گەشمەرڎۍ بیۍ. گەشمەرڎە بیەو ئاڎیشا پۍ کۊشیای ئێمە زەرە رو خەسارەتۍ گۊرەبۍ. هامڕېما سیان، مەزڵوم و ئارارات کە پەی ئاینڎېوە ئازاڎیی پۍ گەلەکەیما بە بۍ دوودڵی کۊششا کەرڎ، بانۍ بە شۊڵەچراوەو ئازاڎیما و وەردەوام ڕاما ڕۊشن کەراوە. شێوازو بەشڎاربیەیۍ گیانبازانە و هەڵۋێسی جەنگاوەری ئاپۆیی کە هامڕا گەشمەرڎەکېما سازش سەر نەکەرېنۍ، پۍ ئێمە بۊ بە نمونە، ئاڵاو کۊشیای ئاڎیشا بە شۊکیایۊ بەرز ڕاگېرمۍ، حەقەشا مسانمۍ و وەردەوام خۊتانکەرڎەی جە یاڎو ئاڎیشا مکەرمۍ. جە کەسایەتی هامڕایاما "سینان، مەزڵومی و ئارارات"ینە ئا وەعدەی بە گەشمەرڎاما دان جارێوەتەر تازەش کەرمېوە و ئەرەیاۋنمېش کە ئێمە رێبوار و شۊنکۊتەو خەتەو گەشمەرڎا بیمۍ.

سەرو ئا بنەمۍ سەرەوەشی جە خانەواڎەی بەڕێز و بەنرخو هامڕا گەشمەرڎەکاما و گرڎو گەلوو کورڎسانی مکەرمۍ.

زانیاری سەرو شناسنامەو هامڕا گەشمەرڎەکاما پی جۊرەنە:

ناسنامۍ: سینان دژوار

نامۍ و دمانامۍ: فەهمی ئۆگمەن

یاگۍ جە ئەڎابیەی: جۆلەمێرگ

نامۍ ئەڎۍ و نامۍ تاتەی: بەسنا- جاسم

وەخت و یاگۍ گەشمەرڎەبیەی: ١٠و ئادارو ٢٠٢٣/ پانیشتوو کورڎسانی

 

ناسنامۍ: مەزڵوم کۆچەر

نامۍ و دمانامۍ: محەمەد ساڵح چاکال

یاگۍ جە ئەڎابیەی: سێرت

نامۍ ئەڎۍ و نامۍ تاتەی: رابیعە- سدیق

وەخت و یاگۍ گەشمەرڎەبیەی: ١٠و ئادارو ٢٠٢٣/ پانیشتوو کورڎسانی

ناسنامۍ: ئارارات تۆڵهەڵدان

نامۍ و دمانامۍ: ئەحمەد مەحمود عەلی

یاگۍ جە ئەڎابیەی: سەرێکانی

نامۍ ئەڎۍ و نامۍ تاتەی: مەهدیە- محەمەد

وەخت و یاگۍ گەشمەرڎەبیەی: ١٠و ئادارو ٢٠٢٣/ پانیشتوو کورڎسانی

هـ . ش