ئەرەیاوناکەو هەپەگەی سەرو ئا مژاریە پی جۆرەنە:

"جەنگاوەرێ فیدایی ئاپۆیی هامڕێما شیار و نودێ بە گرد جۆرێوە بەشداریشا جە ئەرەکۆشای ئازادی گەلەکەیمانە کەرد و جە گرد ساتێنە مۆرەو وێشا جە سەرکۆتەی گۆرەی دان جە ٤و ئەیلولو ٢٠١٧ینە گەشمەردێ بیێ. هامڕێما شیار و نودا پێسەو جەنگاوەرێ  ئازێ و گیانبازی میراتێوە ئەرەکۆشایشا دماو وێشا جیا ئاست، کە حەجگیز جەیاڎ نمەکریۆ. ئێمە هامڕایاما شیار و نودێ بە رێزو، وەشەسیای و پنەزانایۆ یاڎۍ مکەرمێ و قەولو سەروستەی ئەرەکۆشای ئاڎیشا واوەی مکەرمێ.

هامڕاما شیار کە جەنگاوەرێ فیدایی ئەرەکۆشای ئازادیی گەلەکەیش بۍ، کە وەرەن ڕوو سیاسەتو نکۆڵی و ئەسەڕییەیۆ دۆڵەتو تورکی ئەرەگیری و کۆلۆنیالیستی بیۆ، بە هەڵوێسو وێش دلێ ژیواینە، بە هامڕایی هێقمو وێش و هەوڵەکاش پەی هامڕایاش بی بە جەنگاوەرێ ئاپۆیی نمونەیی. هامڕاما گرد وەختێ ژیوایش پێسەو پەروەردەی وینێ، گەرەکش بێ دەورش جە وەڵێوستەو هامڕەیاشەنە بۆنە و بە شارەزابییەی وێش جە روو سەروازیۆ، بە ئەزمونو ئایدۆلۆژیکی و هەڵوێسی پاگیرانەش سەرو هێڵۊو گیانبازی نامێ وێش جە تاریخو ئەرەکۆشاینە نویستۆ. هامڕاما شیار پێسەو ڕێوگارێ و شۆنکۆتەیۍ هەمڕا گیانبازەکاش شانش دا وەرو ئەرکێوە تاریخی و پەی ئانەی لایەق بە گەشمەردا بۆ، هەوڵی فرەش وستگەڕ و رەنجش کێشا.

هەمڕێما نودا کە بە ئیراڎۍ گۆرۆ ڕاپیماو ئازادیش یاۋنا بە بەرزتەرین ئاست، سەرو هێڵۆو فیدایی بێدووەدڵی هەنگامەش نیا، سەرو ڕاو زیلانبیەی هیچ چێوۍ نەتاواش بۆ بە لەمپەر ۋەردەمشەنە. پېسە گەریلێوە یەژاستاری شارەزۍ و سەرکۆتۍ گرڎ ئەرکێوەش بە جددیەت و هەستیاریۆ ۋییەرنا. هەمڕا نودا جە لێوە شایەتەو ستەمو دۆڵەتو تورکی و جە لێوەتەریچۆ شایەتەو مڎرامانوو گەریلای بۍ جە کورڎةسانەنە و پی جۆرە گۆرۍ بیە، گرڎ کاتۍ هەوڵ دۍ گورزەی گۆرۍ ۋنەو دژمنی بڎۆ. هەمڕا نودا بە پاگیریۆ جە گرڎ ساتێوە ژیۋایشەنە پاگیرە بۍ سەرو ئانەی فەلسەفەو رابەر ئاپۆی بەکرداری بکەرۆ، گیانبازیش پەی ۋێش کەرڎ بە شێوێوە ژیۋای و تا کاتو گەشمەرڎەبیەیش سازشش سەرو هێڵۊو گیانبازی نەکەرڎ. پېسە جەنگاوەرێوە قارەمانەو پەکەکەی و پاژکی ۋەرپەرچو دژمنیش داوە و ۋەرپرسیاری ۋێش یاۋنا مەنزڵ.

جەنگاوەرا فیدایی پارتەکەیما پەکەکەی و رۆڵە قارەمانەکا گەلەکەیما هەمڕێما شیار و نودا میراتێوە گۆرەو ئەرەکۊشایشا دماو ۋێشا جیائاست. سەرەوەشی جە بنەیانەی قەڎر گرانیشا و گەلی وڵاتپارێزو وانی و شڕنەخی و گرڎو کورڎەسانی مکەرمۍ.

زانیاری سەرو ئشناسنامەو هەمڕا گەشمەرڎەکاما پی جۆرەنە:

ناسنامۍ /شیار جودی

نامۍ و دما نامۍ /ئەرسین ئاڤراس

شۊنەماو جە ئەڎابیەی /وان

نامۍ ئەڎۍ و نامۍ تاتەی /زوبەیدە- تاهیر

شۆنەماو کاتو گەشمەرڎەبیەی /٤و ئەیلولو ٢٠١٧/ زاپ

*****

ناسنامۍ /نودا هێرش ئاندۆک

نامۍ و دما نامۍ /دەنیز بایار

شۊنەماو جە ئەڎابیەی /شڕنەخ

نامۍ ئەڎۍ و نامۍ تاتەی /فاتمە- مەتین

شۆنەماو کاتو گەشمەرڎەبیەی /٤و ئەیلولو ٢٠١٧