ئەرەیاۋناکەو ناوەندوو ئەرەیاۋنای و چاپەمەنی هەپەگەی سەروو مژارەکەی پی جۆرەنە:

"گەریلاکاو ئازاڎیی کوردسانی جە ئەنقەرۆ تا سەرحەد، جە مێرسینۆ تا بۆتان، جە ئامەدۆ تا مەتینا، جە دێرسیمۆ تا زاپ و خواکورک بە رۆحی فیدایی ئاپۆیی کۊشیای ئازاڎیی بەراڕاوە. گەریلاکاو ئازاڎیی کوردسانی کە پاگیرېنۍ سەروو ئانەی سەرمەشقایەتی ستراتیجوو جەنگوو گەلی شۆڕشگێڵنی کەرا، بە هۆشمەندی و ئاگاڎاربیەی جە ۋەرپرسیارێتی وەڵینگەیی پۍ جوابدایۆ ئەرکوو ۋېشا ۋەران ۋەر بە سەردەمەکەی، دلۍ هەلومەرجوو دژواروو زمسانینە ڕا بە ئەرەگیری مەڎا و گورزەی قورسە جە سوپاو تورکی ئەرەگیری شانا.

جە ماوەو دووۍ ڕووا ویەردەینە هاموەخت چنی ئا گورزا کە بە ئۆپراسیۆنی شۆڕشگێڵنی جە خواکورک و مەتینانە جە سوپاو تورکی ئەرەگیری شنیۍ، ٢٣ۍ کانونوو یووەمی جە ۋەرکەوت و ۋەرنیشتوو زاپی دووۍ ئۆپراسیۆنۍ شۆڕشگێڵنیۍ جیاجیۍ کریۍ. بە ئۆپراسیۆنی شۆڕشگێڵنی زاپەنە یاوۍ بە ئاستێوە بەرز، دەرزۍ تاریخیشا بە سوپاو تورکی ئەرەگیری و رژێموو ئاکەپە-مەهەپەی فاشیستی دا، بەجۆرێوە کە حەجگیز هۊششا نەشۆوە.

سەبارەڎ بە ئۆپراسیۆنی شۆڕشگێڵنیی گەشمەرڎە مەلسا موشۍ و ئۆپراسیۆنی شۆڕشگێڵنیی کەش و ئامێدی زانیاری ۋەرفراوان پی جۆرەنە:

"هەرێموو زاپی؛

٢٣ۍ کانونوو یووەمی سەعات ١٧:٠٠ جە مېڎانوو مدرامانوو کوڕەژارۆی جە ۋەران ۋەروو ئەرەگیرانە سەروو دووۍ تەپاوە جە یەرۍ قۊلێوە ئۆپراسیۆنی شۆڕشگێڵنی گەشمەرڎە مەلسا موشۍ دەسشپنەکریا. ئۆپراسیۆنە شۆڕشگێڵنییەکە جە یەرۍ قۆڵېوە لووۍ دلۍ ئەرەگیرا دەسشپنەکەرڎ. قۆڵی یووەم لووۍ دلۍ ئا ئەرەگیرا کە سەنگەرەنە بېنۍ و بە نارنجۆکە و چەکی سوک گورزەی قورسەشا جە ئەرەگیرا دلۍ سەنگەرەکا شانا. قۆڵی دووەموو ئۆپراسیۆنەکەی ٣ سەنگەرېشا بە تەمامی دلېنەبەردۍ و لووۍ دلۍ سەنگەرەکاوە. لووۍ سەروو جەنازەو ٣ ئەرەگیرا و دەسشا سەروو چەکێوە نیم ئۆتۆماتیکی و بی کەی سیۍ، چەکێوە سوکی ئێم پی تی-٥٥ و دوربینێوە چەکیرە گېرت.

قۆڵی یەرەموو ئۆپراسیۆنی شۆڕشگێڵنی بە چەکی نیم ئۆتۆماتیک جە یاگۍ واردەی، خێمۍ و سەنگەرەکا ئەرەگیراشا دا کە ئەرەگیرەکۍ چنەشانە کوۍ بیۍ بېنۍ. جە ئاکامەنە واردنگەکە بە تەمامی دلېنە بریا و ١٢ ئەرەگیرۍ کە دلېشەنە بېنۍ سزا دریۍ. هاموەخت سیستمێوە کامێرەی چەمڎاری حەراریچ دلېنە بریا.

جە ئۆپراسیۆنی شۆڕشگێڵنی گەشمەرڎە مەلسا موشېنە بە گرڎی ١٨ ئەرەگیرۍ سزادریۍ، ئەرەگیرېوە زامڎاربی. سەروو ئا ئەرەگیراوە کە سزادریۍ چەکێوە نیم ئۆتۆماتیکی بی کەی سی، چەکێوە سوکی ئێم پی تی – ٥٥ و دوربینێوە سەروو چەکی دەسش گیریا سەرەرە. حەرپاسە شش سەنگەرۍ، چوار خێمۍ، واردنگېوە و سیستمێوە کامێرای چەمڎاری حەراری دلېنەبریۍ. هێزەکۍ دوژمنی سەروو هەردووە تەپەکەیۆ بەتەمامی پاکتاو کریۍ و ئەوۍ تەرېچ ناچارۍ کریۍ بڕەما. دماتەریچ پۍ ئانەی جەنازۍ ئەرەگیرا نەگنا دەسوو هێزەکاما، جە تەرەفوو سوپاو تورکیوە حەردووە تەپەکە بە قورسی بۆردومان کریۍ.

هێزەکۍ گەریلایما ئا ئۆپراسیۆنە شۆڕشگێڵنییەشا، کە بە بێ حیچ زەرەرېوە بە شێوۍ سەرکۊتانە بە ئەنجام یاونا، پێشکەششا کەرڎ بە یۆ جە فەرماندە رەنجدەر و سەرمەشقەکا زاپی هامڕا مەلسا موشۍ.

جە هەرێموو گەشمەرڎە دەلیلوو ۋەرنیشتوو زاپی؛

٢٣ۍ کانونوو یووەمی سەعات ١٤:٤٠ دەیەقۍ ئێمە زانیاری ۋەرفراوانما سەروو ئۆپراسیۆنی شۆڕشگێڵنی وەڵا کەردەبېوە. سەرەڕاو ئا زانیارییا کە وەڵاما کەردێبێنۍ، چا ئۆپراسیۆنە شۆڕشگێڵنیەنە ٤ چەکۍ سوکۍ ئەرەگیرا دەسشا سەرەرە گیریابۍ. حەرپاسە دووۍ چەکۍ ئەی فۆرۍ، دووۍ چەکۍ بۆمبشانۍ گۊرۍ بە زنجیرەکاشاوە، چەکێوە نیشانەوماڕۍ، میقدارۍ فرە کەلوپەل و ئامێرۍ تەکنیکی و سەروازیۍ و ٢٦ خێمۍ و سەنگەرۍ دلېنە بریۍ.

هجوومەکۍ سوپاو تورکی ئەرەگیری؛

٢٣ۍ کانونوو یووەمی جە هەرێموو قەندیلینە مېڎانەکۍ باڵایانی و دەگاو سلێ دووۍ جارۍ، جە هەرێموو خواکورکینە مېڎانوو لۆلانی ٤ جارۍ، بە گرڎی شش جارۍ بە فڕۆکەی جەنگی بۆردومان کریۍ".