هێرش زاگرۊس گەریلاو (یەرەکە)ی سەبارەت بە ٤وو نیسانی ڕۊو جەئەڎابییەی ڕابەروو گەلوو کوردی "عەبدوڵا ئۊجالان"ی واتش، ئا ڕووە بە ماناو ژیوای و ژیوایۊ گەلان و بەتایبەتی ژیوایۊ ژەنان.
"هێرش زاگڕۊس" گەریلاو یەکینەکاو وەرکەوتوو کوردسانی (یەرەکە) سەبارەت بە ٤وو نیسانی ڕۊو پەیڎابییەی ڕابەروو گەلوو کوردی"عەبدوڵڵا ئۊجالان"ی واتش، "سەرەتا ٧٤مین ساڵەو پەیڎابییەی پێکئاوەروو ژیوای، جە "ڕابەر ئاپۊ"ی و گرودو بنەیانەو گەشمە رڎا و گرڎ ئینسانۍ ئازاڎیوازی و بەتایبەت ئەڎاعۊوەیشە ئەڎاو "ڕابەر ئاپۊ"ی ئا ڕۊیە مەبارەک کەروو".
واتیچش: ڕۊو ٤وو نیسانی ڕوێن کە گەردوون سڕوو حەقیقەتوو وێش بێحەد چەنی ئا پەیڎابییەینە شارتەنۊ، وەروو ئانەی کە ئینسانیەت چا ڕوەنە مەعنەویاتێکی فرە گەورە وەر کەرۊنە و ئشناسنامەو وێش چا ڕوەنە پەناسە کەرۊ. "ڕابەر ئاپۊ" پا گرڎوو نرخا دەوروو سەرمەشقیش گێرت و بی بە ڕابەروو گەلە بندەسا و بی بە هومێڎ و باوڕ پەی ئینسانیەتی. جەڕاسینە ئا پەیڎابییەیە بە ماناو ژیوای و ژیوایۊ گەلان، بەتایبەت ژیوایۊ ژەنا. وەروو ئانەی کە ڕابەر ئاپۊ پەناسەو حەقیقەتی و ئازاڎیی گلێرگەی جە ئازاڎی و حەقیقەتوو ژەنێنە وینۊ و جە کەسایەتیی ژەنێنە سەرمەشقی پەی ئا گلێرگەیە کەرۊ.
"گەریلا هێرش" جە درێژەو قسەکاشنە واتش: پەیامێوە جە ٤وو نیسانینە پەی ئێمە و پەی گرڎوو گەلە ئازاڎیوازا بەر کەوت، بەتایبەت ئا کەسۍ کە ئارۊ ویر و ئەرەمەنەی ڕابەر ئاپۊیشا ئشناسان، پەیاموو ئاشتی و پێوەژیوای و ئازاڎین، پەی حەقیقەتۍ کە چا پەیڎابییەینە هەن، ڕابەر ئاپۊ حەر جە ئەوەلوو زارۊلەیی وێشنە تا بە ئارۊ جە وەراوەروو کۊیلایەتی، بندەسی و زوڵم و زۊرێوەنە دلۍ بنەیانەی یا جبەروو بنەیانەینە وینێش نیسانێش سەرۊ نیێرە و بێدەنگ نەبۍ، ئا کۊشیایە پەی گرڎ کەسۍ ڕۊشنا و پەی وێش گەورەتەرین پیامێوەن، کە متاومۍ چەمێش بڕمێنە.
ئارۊ وینمۍ کۊشیایوە فرە گەورە جە ئاستوو دنیێنە هەن، کە گرڎوو گەلە ئازاڎیوازا، بە حەزیۍ فرە گەورە خێرامای چا فکرەیە کەرا. نموونەی وەرەچەم جە نەورۊزوو ئێساڵینە بانگەوازێوە کە گەل جە حەرچوارپارچەو کوردسانینە کەرێنێش، یاواینەیۍ جە فکر و فەلسەفەو ڕابەر ئاپۊی نیشانە دۍ، بەتایبەت بە سەرمەشقیی ئا ئەڎایا کە سەروو حەقیقەتوو "ڕابەر ئاپۊ"ی هەستشا بەر وست و پاسە ڕۊحوو کۊشیایشا گەورەتەر کەرد. حەقیقەتێوەن چا پەیڎابییەینە شاریاوەن، پێسە پەیڎابییەی ئا ئینسانە گەورا، کە جە وەرکەوتوو دلێڕاسەینە سەروو ڕێبازوو حەقیقەتی کۊشیا و ڕابەر ئاپۊیچ بە یاواینەی جە ژیوای، جەنگێوە گەورەش دەس پەنە کەرد، کە تا ئارۊ گەورەتەر بۊ و وەراوەروو دەسەڵاتدارانە نموونەی وەرەچەما.
پێویسا نۊعوو پەروە رڎەکە رڎەی زارۊڵا جە وەڵاتوو ئێمەنە پێسە کاریگەریی "ئەڎا عۊوەیش"ۍ بۊ سەروو "ڕابەر ئاپۊ"ی کە باوڕو و ئیرادەی و ڕابەرایەتی هانی دۍ، کە سەروو پایاو وێشۊ مرڎۊ و هەقشانە ژیوای وێش بۊ ئانە گەورەتەرین جەنگ بۍ. کە ئارۊ بی بە وازچەنەئارڎەێی گەورە پەی ئازاڎی،
هێرش زاگڕۊس درێژەو قسەکاشنە واتش:" ئا سەرەو رڎایۍ کە جە وەرکەوتوو کوردسانی و ئێراننە وینمێشا وازچەنەئا رڎەی ئازاڎیی ئینسانەکان، ئانەی کە چنڎ مانگێوەن سەرشرە ملۊ وەلێم، گەل هەنگامەش بەرەو دما نەنیێنە. ئانەی نیشانە مدۊ کە ئا خەڵکە چەمشا ئینا کۊشیاێوە کە "ڕابەر ئاپۊ"ی پەی ئازاڎی کە رڎەنش و کەرۊش،. پێویسا ئا جەنگە ڕۊ بە ڕۊ گەورەتەر بۊ، جە ئاستوو دنیێنە حەرکەس وەراوەروو ئەرەگیرانە بەبەقووەتی درێژەش بدۊ پەنە. ئانەی کە جە وەرکەوتوو کوردسانی و ئێراننە هەن یاگۍ هومێڎیین.
گەریلا "هێرش زاگڕۊس" ئاخیروو قسەکاشنە واتش:" بانگەوازوو ئێمە پەی گرڎوو ئا گەلانە کە جە وەرکەوتوو کوردسانی و ئێراننە بەتایبەت ئا ئینسانۍ، کە چا سەرەو رڎایانە یاگۍ وێشا گێرتێنەشا و گێرا و کۊشیایۍ فرە گەورە وەراوەروو دەسەڵاتداریی ئێرانینە کەرا، پێویسا بە زانایی و یاواینێوە خاستەر بە ویر و ئەرەمەنەی "ڕابەر ئاپۊ"ی ئا ئەرەپڕای و سەرەورڎایۍ بەقووەتتەر کەرا و بتاوا بە هومێڎیوە فرە گەورەوە سەروو هەدەفە و ئامانجوو ونەو هەزاران گەشمە رڎا، کە پەی ئازاڎی مجیا گەشتەر کەرا، بتاوا ئا فکرە دنیانە پەرە پەنە بڎا، جە دمادمایینە جارێوە تەر ٤ وو نیسانی ڕۊو پەیڎابییەی "ڕابەر ئاپۊ"ی جە وێش و بنەیانەو گەشمەرڎا و گەلی وەڵاتپارێزنی مەبارەک کەرمۍ و قەناعەتما چانەن، کە بە یاوای ئەنجاموو فکروو "ڕابەر ئاپۊ"ی ڕۊێ گرڎوو ئا ئەڎایا دڵوەشۍ با، پا کۊشیایە کە ئارۊ کریۊ و تەنانەت پەی وێشا زارۊلەو وێشا پێشکەشوو شۊڕش و کۊشایۍ وەراوەروو دەسەڵاتیوە کریۊ کەرا".
س.ز
