ئۆپەراسیۆنەکە شەوە و ٢١و حوزەیرانی دەسشپنکەرد و تەنیا جە ماوەو ٢٧ دەیەقانە ئەرەمەزیا ئەتۆمییەکا ئێرانی جە فۆردۆ و ناتناز و ئەسفەهانە کەردش ئامانج. سەرۆکو ویلایەتە یۆگێرتەکا ئەمریکای دۆناڵد ترامپ دما و ئۆپەراسیۆنەکەی واتش: "وەرمو ئەتۆمی ئێرانیما دلێنە بەرد." 

سەر سەعبو ڕۆو شەممەی سەعات 5:00 (بەکاتو برۆکسل) ی ١٢ فڕۆکێ جۆرا B-2 سپیریتی جە فڕۆکەخانیوە سەروازی جە ویلایەتو میزۆری فڕێ، وێشا جە ڕاداری ڕزگار کەرد و بەرەو زەریاو هێمنی لوێ، بەڵام ئینە پەی فریودای نەبێ. جە هەمانکاتەنە حەوت فڕۆکێ تەرێ جۆر و B-2 بە بێدەنگی سەر و زەریاو ئەتڵەسیرە فڕێ و بەرەو ئێران لوێ. 

فڕۆکەکە ١٣ تۆنێ بۆمبی "بانکەر بستەر"ی دلێنە هورگیریا بێ. ئی بۆمبێ تاوانە بە درێژایی ٦٠ مەترێ بلانە چێر و زەمینی و سەنگەرەکا چێر و زەمینی ماڕانە. ئی بۆمبێ یەکەمجار جە ئۆپەراسیۆنەکانە بەکار ئامێنێ، بنکە ئەتۆمییەکا ئێرانیشا کەردەن ئامانج. 

هرووژمی ئەلیکترۆنی و جە ڕادارەکا خاڵە و کۊری

هەمان شەوێ سیستەمو وەرگری ئاسمانی بەمەڵامەتو هرووژمی کارۆموگناتیسی فڕۆکە جەنگییەکێ ئەمریکای پەی ماوێوە کاتی جە هەرمانێ کەوتێ. سوپاو ئێرانی پەی ماوەو چن سەعاتێ نەتاواش بڕێ هەرێمی وینۆنە، واتە کۆر بی. پی جۆرە فڕۆکە بۆمب هاوێژە ئەمریکییەکا بە نهێنی لوێ دلێ ئاسمانو ئێرانی. 

جە فۆردۆ، ناتناز و ئەسفەهانی دریا  

٢٢ی حوزەیرانی ڕۆو یەک شەممەی سەعات ٠٣:٠٠ یوەم بۆمب جە ئەرەمەزیای ئەتۆمی چێر زەمینی فۆردۆی دریا. دماتەر فڕۆکەکێ تەرێ ناتنازیاشا بە ئامانج گێرت. جە هەمانکاتەنە ٢٦ مووشەکێ تۆماهۆک کە جە دەریای هوردریێبێنێ وەر و بنکەو عەمبارکەردە و یۆرانیۆمی جە ئەسفەهانەنە کەوت. فڕۆکە ئەمریکییەکێ ماوەو نزیکەا ٤٠ دەقا ناوچەکەشا جیا ئاست. 

جە ترامپیۆ ئەرەیاونای 'سەرکۆتەی' 

بە کاتو واشنتۆنی سەعات 21:00 ترامپ ئەرەیاوناش کە ئۆپەراسیۆنەکە "بە شێوێ بێ وێنە تەمام بییەن." سوپاو ئەمریکات واتش: "هیچ زەرەرێما وەر نەکەوتەن. چێر خانو ئەتۆمی ئێرانی دلێنە بریا." هەرپاسە ترامپ جە پەیامێوەشەنە سەر و میدیاو دیجیتاڵی ئاماژەش پانەی دا کە جە ماوەو ٢٧ دەقانە ئەتۆمییەکێ ئێرانی دلێنە بریێ و واتش: "هیچ سوپێوە نمەتاوۆنە ئینەی بکەرۆ." 

تاران: ئینە سەرکۆتەی نییا، سەرەتاو دماییا 

ئیدارەو ئێرانی هرووژمەکەش پەشتڕاسکەردۆ، بەڵام گوتاری 'زەرەر گرنگ نییا، زانیارییەکێما دروسێنێ'. زەرەرێ کولانە بێ. ئایەتوڵڵا خامنەیی جە پەیامێوەنە جە دیجیتاڵ میدیانە واتش: "ئینە سەرکۆتەی نییا، ئینە سەرەتاو دمای دوژمنیا" قەول و جوابدایشۆ دا.