شارو هانۆڤەرو ئەڵمانیاینە گلێرۆبییەی و ڕاپیمای لوا ڕاوە. چالاکییەکەنە هرووژمەکێ دۆڵەتو ئەرەگیرو تورکی و چەتەکاش پەی سەرو ناوچەکا سەرنیشتوو و وەرکەوتوو سوریای شەرمەزار کریێ.

کوردستانیا و دۆساشا وەردەمو وێسگەو شەمەندەفەرینە گلێرێ بیێ. دماو دەقێوە بێدەنگی پەی یاڏێ گەشمەرڏا، جەلایەن پەیەدەی هانۆڤەری،تەڤ چاند، بنەیانەو گەشمەرڏا هانۆڤەری و یەپەژەی هانۆڤەر وتارە پێشکەشە کریا. جەوتارەکانە بەگرڏی گەشمەرڏا بە تایبەت گەشمەرڏا تشرینی یاڏکریێوە و باس جە پارێزناو دەسکەوتەکا گەلوو کوردی کریاو. جە هەمان کاتەنە هرووژمەکێ ئەرەگیرا و بێدەنگی زلهێزە مییاندەوڵەتییەکا شەرمەزار کریێ.

هەرپاسە جە چالاکییەکەنە مڏرامانو گەلا سەرنیشتوو و وەرکەوتوو سوریای جە تشرینەنە بەرز نرخیا و ئەرەیاویا کە کوردسانیا و دۆسەکاشا مشۆم بەردەوامی بە چالاکییەکاشا دانە هەتا بەدیئاردەو ئازادیی جەسەیی ڕابەر ئاپۆی.

جە چالاکیەکەنە بەردەوام دروشمو "بژیو مڏرامانو وەرنیشتی"، "بژیو مڏرامانو یەپەگە/یەپەژە"،ی "بژیو مڏرامانو گەریلای"، "ژەنی، ژیوای، ئازادی"، "بژیو مڏرامانو ڕابەر ئاپۆ" ی و "گەشمەرڏە مەڏرۆنە" جە چالاکیەکەنە واتشاوە.

چالاکی ڕاپیماکەی وەردەموو وێسگەو شەمەندەفەرینە دەسش پنەکەرد، بە واتەیۆ دروشمو "بژیو ڕابەر ئاپۆ" جە مەێڏیانەکا شتاینتۆرینە دمایش ئاما