ڕۊو چوارشەممەی کاریگەریی نزمەپاڵەو تورکیای ڕووە کەرۊ مەنتێقەکەی، شەپۊلێوە وارانی تەماموو مەنتێقە جیاجیاکاو هەرێموو کورڎسانی گێرۊوە، ماوەو کاریگەریى ئی شەپۊلۍ و ئاستوو وارای جە تەماموو مەنتێقە جیاجیاکاو هەرێمینە، بە ڕێژەو مامناوەندی و بڕۍ وەختێچ لێزمە بۊ چەنی هەورە تریشقا.

کەشئشناسی ماچۊیچ: فرەتەرین ڕێژەو وارانیچ جە سنووروو پارێزگاو دهۊکی و کەشەکا و قەزا و ناحییەکاو پارێزگاکەینە بۊ،  بە بەراورد بە لایەکای تەری، تەسەوروو بەرزبییەیۊ ئاستوو ئاوێچ کریۊ، کاریگەریی ئی شەپۊلۍ درێژ بۊوە پەی ڕۊو "پەنج شەممە"ی و وارارن ورد ورد وارۊ، وەلێم بە ڕێژەى کەمتەر، چەنی ئامای بارسە هەواێوە سەرڎی، پینەیچە پلەکاو گەرمای نزمۍ باوە و پەی "4-6" پلاو و ئەگەروو وارای تەوەرگێچ هەن، دەمەو وێرەگا کاریگەریی ئی شەپۊلۍ دماییش مۍ.

س.ز