هێزە ئەمنییەکۍ ئێرانی هۊرشا کوا سەروو یانەو نویسەر و شاعیرێوە کوردی
شاروو کرماشانوو ۋەرکەوتوو کوردسانینە هێزە ئەمنییەکۍ ئێرانی هۊرشا کووا سەروو یانەو شاعیر و نویسەروو کوردی کیومەرس ئەمیری.
سەرچەمەکۍ هەواڵوو ۋەرکەوتوو كوردسانی وەڵاشا کەرڎەنۆ، هېزی بە شێوېوە نایاسایی هێزێوە ئەمنیی هۊرشا کوان سەروو یانەو كیومەرس ئەمیری و ئاژېوە گولشا خوڵقنان.
ئاماژە پانەیچ کریان، دماو هۊرکوای سەروو یانەکەیش، جە جوابوو بەڵگەو دادوەرینە پۍ وشکنای، هێزە ئەمنییەكۍ نامېوە نا ڕۊشنشا نیشانە دان.
ئانەیچ باسكریان تەماموو یانەکەی و كەلوپەلی تایبەتشا وشکنان و ئاژېوە مەترسیڎارشا وەشکەرڎەن.
كیومەرس ئەمیری شاعیر و نویسەر و توێژەری دیاروو كوردی بە لەك ئەمیر ئشناسیان و فرەو شیعرەكاش بە شېوە زاروو لەكی منویسۆ و ساحیبوو دووۍ كۆمەڵە سەرگوزشتان بە نامەکا شینێوە پۍ تۆ و قەبرسانی بەستەی.
