جە گلېرۊبیەیێوەنە هۊرسەنگنای پەی ئاژەی سیاسی و ١٥و شوباتی کریا
ساربرۆکننە جە گلېرۊبیەیۍ جەماوەریینە هۊرسەنگنای پەی ئاژەی سیاسی ئیساتۍ و ١٥و شوباتی کریا و بانگەواز پەی بەشداربیەی جە چالاکییەکا ١٥و شوباتی جە ستراسبۆرگنە کریا.
بە بەشداری هامسەرۆکۊو ئەنجومەنو گەلوو سارسبۆرگی ڕەمزییە ئەکە، ئەنداماو ئەنجومەنی و ڕۆنامەوانا و نویسەرا، ئەنجومەنو گەلوو شارو ساربرۆکنی دەربارەو ئاژەی سیاسی و چالاکییەکاو ١٥و شوباتی گلېرۊبیەیێش ئەنجامدا.
جە گلېرۊبیەکەینە ڕێشاد سۆرگول قسێش کەردۍ و ئاماژەش پانەی دا چنی گرڎو دەرفەتە ڕەخسیاکا ئی قۆناغەیە، ئەوەکۊشای بەهێزش گەرەکا. ڕێشاد سەرنجش وست سەرو پیلانگێڵنی مېیاننەتەوەیی جە دژو ڕابەر ئاپۆی و واتش: "هامشێوەو گېرتەی و جە قەنارەدای شێخ سەعیدی جە لایەنو دۊڵەتو تورکیوە، جە هەمان کاتەنە جە ١٥و شوباتی ڕابەر ئاپۆ باڵبەس کریا. ئینەیچ ڕۊشنش مکەرۊوە ئانەی دۆڵەتو تورکی ۋەرا ۋەر بە گەلوو کوردی مکەرۊش دژمنایەتییا بە ڕێخە نکۆڵیکەرەکەیشۆ."
هەر جە قسەکاشەنە سۆرگول دەربارەو ئاژەو ۋەرنیشتوو کوردەسانی قسێش کەردۍ و ئاماژەش پانەی دا کە ئاژەو ۋەرنیشتی بە چەسپنای نەتەوەی دیموکراتیکی ئینا گرڎ ئاژێوە بە‌هێزو ۋێشەنە.
جە دماو قسەکا بانگەواز جە گرڎ لېوە کریا جە دژو پیلانگێڵنی مېیاننەتەوەی گرڎ کەس بە ئەرکو ۋێش هۊربێزۆ و جە ١٥و شوباتینە بەشدارۍ چالاکی ستراسبۆرگی بانۍ.
گلېرۊبیەکەی بە بەرزکەردەیۆ درووشمۊو 'بژیۋۆ سەرۆک ئاپۆ و ژەنی ژیۋای ئازادی' دمایش پنە ئاما.
