جە گرڎ لاێوە دژوو قۊرخکەرڎەی مدرامان کریۊ!
خەیمەکاو مدرامانوو مەخموورینە، لاێوە بە مدرامان و لاێوە بە ژیوای کۊمیناڵ پەشتیوانی جە چالاکا کریۊ. دلۍ خەیمەکانە، ئەڎۍ ڕوانە وارڎە پەی چالاکا ئامرڎ کەرا.
ماوەی ١١ ڕوان خەڵکوو کامپوو پەنابەراو گەشمەرڎە ڕوستەم جودی (مەخموور)ی، خەڵكی ۷ پەی ۷۰ ساڵی جە دژوو حەولەکاو سوپاو عێراقی ئینۍ مدراماننە، کە ئا سوپۍ گەرەکشا بە سەیارەی زرەپۊش و سەروازی و تەلبەندکەرڎەی مەخمووری گەمارۊ بدۊ.
سوپاو عێراقی جە ۲۰وو ئایارینە حەوڵێش دۍ بە ژمارێوە فرە جە سەیارە زرەپۊشا و سەروازییاوە، بلۊ دلۍ کەمپوو مەخمووری و کەمپەکەی بە تەل قۊرخ کەرۊ و بورجۍ چەمدارییش جەنە بنیۊرە. ماوەو دووەڕۊی ویەرڎەینە سوپاو عێراقی قورساییش وستەن سەروو سەرچەمەو ئاوۍ و بیرە ئاوەکاو کامپەکەی و گەرەکشا دەسشا ملەرە گێرۊ.
چا ڕووەوە تا ئارۊ خەڵکوو مەخمووری خەیمێشا ورێدێنۍ و وەراوەروو ئا هەڵمەتانە وەرگێریی کەرا.
جە لاێوە مدرامان و جە لاێوە تەرۊ، ژیوای کۊمیناڵوو خەڵکوو مەخمووری جارێوە تەرورەو سەرکەوتەی و سەرفرازی دڵوو خەڵکینە چناوە.
بڕۍ جە ئەڎایا چێروو خەیمەکانە وارڎە پەی چالاکا ئامرڎ کەرا وهومێدوو وێشا پەی سەرکەوتەی ماچاوە.
س.ز
