جە ئێران و ورکەوتو کوردستانی شەپۆلەو دەستگیری و زیندانیکەردەی بەردەوامەنە و جە ئی چوارچوەنە جە شارەکێ پاوەی و تارانی هێزە چەکدارەکێ ڕژێمو ئێرانی یەرێ هاموڵاتیێ تەرێشان دەستگیرێ کەردێنێ کە نامەکێشان بە ئی جۆرەنێ: 

١- سەعید خالدی، خەڵکو ساتیاری سەر بە شارچەو باینگانی جە پاوە دەستگیر کریان.

٢- فەرامەرز مەحەمەدی خەلکو مەریوانی جە تاران دەستگیر کریان.

٣-سەعـید قادی خەڵکو پاوەی جە پاوە دەستگیر کریان.

جە وەراسان (وەرکەت)و کوردستانی نزیک بە چوار هەفتێ پەیاپەیەن، دەستگیری و زیندانی کەردەی هاموڵاتیێ، چالاکوانێ سیاسیێ، مەدەنیێ و ژیوگەپارێزێ بەفراوانی بەردەوامەن و تا ئیسا زیاتەر جە 100 کەسێ دەستگیرێ و بێسەوشۆنێ کریێنێ.

زانیان دەستگیرکریاکێ نزیک بە نیمەشان ژەنیەنێ و فرێوشان چارەنویسشان بە ئارۆچ نادیارەن و کاربەدەستێ ئێرانی ئامادێنێ نییەنێ جە ئی بارەوە زانیاری بە کەسوکاری و پارێزەکانشان بڎانێ، یان لانی کەم هۆکارێ دەستگیرکەردەی و بێسەروشۆنکەردەیشان ئاشکرا بکەرانێ.