ئارۆ جەمە (هەینی)، جە شارو هەورامانی جە دیمۆ وەرکەوتو هەورامانی، سەرو مەزارو پیرشالیاری ڕاوڕەسمی هەزاران ساڵەو کۆمسای ڕێکوزیا.
جە ڕاوڕەسمەکەنە سەرەڕاو بەشداری جەموەری هەورامییەکان، ژمارێوی فرێ مێهمانێ کوردستانی و ئێرانیو بێگانۍٚ ئامادۍٚ بیۍٚ و چنڎین چالاکیۍٚ  و بەرنامۍٚ هونەریۍٚ، فەرهەنگیۍٚ  و ئاینیۍٚ ئەنجامۍٚ  دریێ.
هەر جە مەڕاسیمەکەنە، تەوەنو کۆمسای ماڕیا و پێسەو فەڕ و پیرۆزی دریا بە بەشداربییەکان.

ڕاوڕەسمو کۆمسای ڕیشەی هەزاران ساڵەش هەن و ساڵانە  ٤٥ رۊۍٚ جە دمای ۋەهاری جە ڕۊو جەمەی (هەینی)ـەنە ئەنجام مڎریۆن.
ماناو کۆمسای بە ئی جۆرە شیەی کریێنەو: (کۆ) یانی کۆبییەی و (مسای) بە ماناو فێربیەی.
جە مەڕاسیمەکەنە جەماوەر دەورو تەوەنێوۍٚ سفی (چەرمۍٚ) نە کۆ مبانێوە و بە ئامرازێوی تېژ تەوەنەکۍٚ بماڕانۍٚ و پەی فەڕی و پیرۆزی پارچەکانش چەنی وێشان مبەرانێۋە.
سەمەرە ئانە، ئا تەوەنۍٚ هەزاران ساڵێن چنەش ماڕیۆنە کەچی کەم نمەکەرۆنە و چوون وێش مەنۆوە.  خەڵکو ناوچەکەی باوەڕشان چامنەن کە تەنها جە ئاڕۊە تایبەتەنە تەنەوەنکۍٚ ماڕیۆنە و ڕۊەکۍٚ تەرێنە نماڕیۆنە.

 ڕاوڕەسمو کۆمسای بە ژمارە ٦٣ چوون ئاسەوارێوی نیشتمانیی جە ئێران تۆمار کریان.