بە مەڵامەتو بومەلەرزەکەو سەرنېشتوو ۋەرنېشتوو کورڎسانی و تورکېای و سوریای جەشارو "یۊپن"و پایتەختو ھەرێمو ئەڵمان نشېنو بەلجېکای، بە ۋەرھەنگامەو شارەوانی و کۊمېتەو ژەنا کورڎی، شەۋەو ھامکاری لوۋا ڕاۋە.
کورڎسانیۍ و بەلجېکیەکۍ بە حەزێۋە فرۊ بەشڎاریشا جە شەوەکێنە کەرڎ. شەوە پەشتگېریەکۍ جە بېناو" ئاڵتەرشلاچتۊف"ی لوا ڕاۋە. ۋارڎە، کە جە لایەنو بەشڎاربیەکاۋە ئاماڎە کریابۍ، بەشکریا.
"کلاودیا نېسن" سەرۊکو شارەوانی "یوپن"ی وتارێش داو ۋاتش؛ ھامخەمی و دڵ تەنگی ۋێم
پۍ ۋنەقۊمیایا بومەلەرزەکەی بەربڕونە.
"سوھەیلا سۊلېن"ە بەنامۍ دەسوەڵۍ ۋستەو ژەنا کورڎیۊ ۋاچێۋەش پێشکەشکەرڎو سوپاس و ئاماڎە بیاو مەراسیمەکەیش کەرڎ.
ئا ھامکاریۍ، کە پۍ ۋنەقۊمیایا بومەلەرزەکەی جە سنوقو ھامکاریەکا ھۊڵەکەی کۊکریێۋە، وزیۍ سەرو ھەژمار بانقی مانگەو سوری.
شەۋە پەشتېوانیەکۍ بە کۊنسێرتێۋە مۊسېقای دمایش پنە ئاما.
ھ.ش
