ڕۊنامەوان یواخیم مەدین، ڕۊنامەوان و نویسەر کورڎۊ باکسی و سیاسەتمەداری سویدی پیەر شۊری سمینارەکەنە کە هۊڵوو ئەی ئێف بی-نە ساز کریابۍ ورچنیەیەکاو تورکیای و سەرنیشتوو کوردسانی و ڕاگێرییەکاو تورکیای جە بەئەندامبییەی سویدی جە ناتۊنە ورسەنگیۍ.    

بابەتەکا پیسە تورکیا بەرەو دەوڵەتێوە تاکحزبی ملۊ؟ سویدنە و هەم کوردستانیچنە ئایندەو کورڎی چەنین بۊ؟ داواکاریی سوید پەی ئەندامبییەی ناتۊنە یاوۊ کۊگە؟ قسەوباسشا سەر کریا.  

یواخیم مەدین باسوو ئانەیش کەرد، کە پەیشۊنیرەلوای ورچنیەی پەنج حەفتی تورکیانە مەنەنۊ و واتش، " دلۍ دەسەڵاتینە وەراوەروو کورڎاوە دوژمنکاریێوە گەورە هەن. دلۍ گرووپە ئۊپۊزسیۊنەکایچنە گەشوینێوە فرە بۍ. لایۍ تەرۊ نەتەوەپەرسی زاڵ بۍ و داوا کریۍ ئەگەر کورد با بە دەسەڵاتدارۍ گردوو شارەوانییەکاشا وزیارە. وەروو ئانەی مشۊم ئێمە ئیدارەو یەک کەسوو ئەرڎۊغانی نازمێ".

کورڎۊ باکسی سەروو هەرمانەو پاکتاوی سیاسیی واتش، "تا ئیساتۍ ١١ پەرلەمانتارۍ کورڎی ئینۍ زینداننە. میدیاو تورکی هەڵای مەشغووڵا بە تاوانبارنیشانەدای کورڎیوە. چی سەرڎەمەنە گرد چێوۍ دژوارتەر بۊ".

پیەر شۊری قسەکاشنە بارەو ناتۊی و ئایندەو کورڎیوە داواو بەقوەتتەرکەرڎەی و فراوانتەرکەرڎەی پەشتیوانییەکاش جە کورڎی کەرد.

شۊری واتش، "فرە سەیرا، چا وەختۊن بابەتوو ناتۊی ئامان وەروو باسی، سویدنە شەپۊلێوە وەشە بیێنە، جە گرد لاێوەنە مافیۍ سەرەشا ورڎان و لاێوە تەریچۊ لەیەکدایۊ پەی بۊ کوشتەی کورڎا کریۊ".

س.ز