جە شارو تەۋێڵۍ دژ بە گرانۋرەشی، نەبیەی مەرجێ تەندروستیێ و تازەکەردەیۆ مۆڵەتی، لیژنەو ئابوری شارەکەی ۋشکنای و کۆنترۆڵ کەردەی بازاری و نرخی و تەندروستیش ئەنجامدا. لیژنەکە کە نمایندێ دامودەستگاکانو؛ (پۆلیس و ئاساییشی، تەندروستیی، شارەۋانیی و گەشتوگوزای) جە وێش مەگێرۆنە، ”دوکانێ، مارکێتێ، چایخانێ، نانپەچیێ و گۆشتۋرەشیێ“ شارەکەیش سەرکەردێوە و شۆنیەرەلوایش پەی  پاکی و تەمیزی، گرانی بازاری و نرخی و هەرپاسە تازەکەردەیۆ مۆڵەتەکانشان کەرد. هاموەخت لیژنەکە ڕانمایی و وشیاریشان دا بە ساحب هەرمانەکا و دواشان ونەکەردێ تا جە بەرژەوەندی گردیەنە هەرمانە بکەرانێ ڕانماییەکانو لیژنەکەی وەروچەمی بێگێرانێ.