چالاکېەکۍ جە شارەکاو"قامېشلۊ، کۊبانۍ، منبج، ڕەقا، تەبقا، حەلەب"یەنە سازکریۍ. جەمەو ژەنا بە دروشمەو "ژەنی، ژیای، ئازاڎیی" و بە ئاخێزو ژەنێۋە مجېێرە جاڎەکا.

-کانتۊنو قامېشلۊی

ڕاپېماکەو قامېشلۊی جە چوۋار ڕاو گەشمەرڎا سوریانی(چوۋار ڕاو سیاوی) دەسش پنە کەرڎ. ڕاپېمای جە عامودۍ جە مەیڎانو گەشمەرڎە جېھادی، جە ترپەسپی ۋەرو دەمو ناۋەنڎو گرڎینەو کۊنگرەو ستارینە دەسش پنە کەرڎ.

حەر چا کانتۊنەنە جە مەنتېقەو چلئاغای مەیڎانو گەشمەرڎە مەعسومیەنە و جە گرگۍ لەگۍ مەیڎانو گەشمەرڎە خەباتیەنە و جە تلکۊچەر  پارکو عەبدوڵا ئۊجالانیەنە و جە دێرکېچ مەیڎانو ئازاڎیینە دەسش پنەکەرڎ.

جە تل حەمېس ناۋەنڎو گرڎی کۊنگرەو ستاریەنەو جە تل براکېش چوۋار ڕاو فڕنیەنە جەماوەر دەسشا بە ڕاپېمای کەرڎ.

-کۊبانۍ

جە شارو کۊبانۍ جەمەو ژەنا جە مەیڎانو دارستانی کۊبېێۋەو زەماۋنەشا گێڵنا. دماتەر ڕووەو ڕاو جەرابلۊسی دەسشا بە ڕاپېمای کەرڎ.

-منبج

جە شارو منبەجېچەنە ھەزاران ژەنو پېۍ ۋەردەمو نەۋەشخانەو فراتېنە کۊبېێۋەو ڕووەو جاڎەو وادی دەسشا بە ڕاپېمای کەرڎ.

-حەلەب

جە شارو حەلەبی ڕاپېماو ژەنا ۋەردەمو ناۋەنڎو گرڎی جۋانا شۊڕشگێڵو سوریای جە شێخ مەقسود دەسش پنەکەرڎ. جەمەو ژەنا جلۍ کورڎیێشا پۊشێبێنۍ و بەبەرزکەرڎەیۊ ۋێنەو گەشمەرڎا بەشڎاریشا جە ڕاپېماکەینە کەرڎ.

-تەبقا

ڕاپېمای جەشارو تەبقای بەبەشڎاری سەڎان ژەنا ئەنجامدریا. ئەنڎاما دەزگاو ئەرەمەرزیە سەروازی و مەڎەنېەکا، خانەواڎەو گەشمەرڎاو نوێنەرو پارتە سیاسیەکا بەشڎاریشا جە ڕاپېماکەینە کەرڎ. ڕاپېماکەی جە کۊڵانەو یەکەمېۊ دەسش پنەکەرڎ.

-ڕەقا

 جە شارو ڕەقای بەسەڎان ژەنی و ئەنڎامۍ دامودەزگا سەروازی و مەڎەنیەکا، خانەۋاڎەو گەشمەرڎا و ئەنڎاما پارتە سېاسیەکا بەشڎاریشا جە ڕاپېماکەینە کەرڎ.

جە ڕاپېماکەینە کە جە چوۋار ڕاو پانۊڕامای جە پانېشتو ۋەرنېشتوو ڕەقایۊ دەسش پنەکەرڎ، ۋێنەو گەشمارڎا ژەناو پۊستەرەکۍ ڕابەر ئاپۊی چنی لافېتۍ کە سەرشاۋە نۋیسیابۍ" بەمدرامانو ژەنا ژیۋای جۋانتەر بۊنە و ئێمە تېرۊری دلێنە بەرمۍ" بەرزکریێۋە.

ھ.ش