جە شارو ڤییەناو پایتەخت و نەمسای ڕاپېمایۍ بە ۋەڵێۋەبیەو یۊبیەی ھێزە دیموکراتېکەکا جە ئۊروپا(adgb) و پارتە سیاسیەکا کورڎی، پۍ شەرمەسار کەرڎەو دۊڵەتو ترکی ڕێکوزیا، کە دماو بومەلەرزەکەی خەڵکش دیارو مەرڎەیۊ جېا ئاست.

نزیک بە ٣٠٠ کەسا ئاماڎۍ ڕاپېماکەی بێنۍ و دماو دەقێۋە مرڎای پۍ ڕێزگێرتەی جە یاڎو ئا کەسا، کە جە بومەلەرزەکەنە گیانشا جە دەسدان، ڕاپېماکەی دەسش پنەکەرڎ.

جەچالاکیەکەنە ئەرەیاۋنێۋە ھامبەش، جە تەرەفو(adgb) لایەنە سیاسېەکاو کورڎیۊ ئاماڎەکریابۍ. ۋنېاۋە.

جە ۋاچەکانە ئەرەیاۋیا؛ گېان جە دەسداو دەیان ھەزار کەسا بە مەڵامەتو کەمتەرخەمی دۊڵەتیۊ بېەن و ئەرەیاۋناشا،" ئېنە کارەساتێۋە سروشتی نېا، بەڵکم کۊکوشی دۊڵەتیا".

بە درێژایی ڕاپېماکەی دروشمەکۍ "شانبەشان جە دژوو فاشېزمی ، ئەردۊغانی فاشېستو کوشەر"ی واچێنۍ.

ھ.ش