جە چوارچوەو چەنەپەرسایۊ داواکاریی کۊماروو ئامەدی و سەروو قەراروو یەرەمین داڎگاو سزاکاو سوڵحوو ئامەدینە، قەراروو گێرتەی ٢٠١٦ ڕۊنامەنویسا، سیاسەتمەدار، پارێزەر، هونەرمەندا و ئەنداماو سەندیکاکا  دریا. جە ئەنجاموو ئۊپراسیۊنێوەنە پەی سەروو یانا، ١٣٤ کەسێ گیریۍ. دماتەر ١٤ کەسێ پەی داڎگای بریۍ. داڎگا قەراروو گێرتەی گیریایەکاش دا.

جە سەرمەشقبییەی ڕێکوستەی پارتوو چەپی سەوزوو ئامەدینە، وەرڎەموو داڎگاو ئامەدینە کۊنفڕانسێوە ڕۊنامەنویسی گیریا و فرە پارتێ و ڕێکوزیێ بەشداریشا کەرد.

سەرحەد ئەرەن یاگەداروو هامسەرۊکی گرڎینوو کۊمسیۊنوو یاسێ و مافەکاو ئینسانوو هەدەپەی قسێش کەرڎێ و ئۊپراسیۊنەکەش پێسە ئۊپراسیۊنوو قڕکەرڎەی سیاسی جەقەڵەم دا.

ئەرەن باسش چانەیە کەرد، کە پەیوەندیی ئۊپراسیۊنەکەی بە ورچنیایەکاوە هەن و واتش، " داڎگا هامبەشوو ئۊپراسیۊنەکەین. ئێمە سەرەیما مەکۊمنمێرە پەی داڎگاێوە چینەی. نوێنەروو مافەکاو ئینسانی و یاسائشناسەکێ گیریێنێ و پێویسا هامڕێکێما ئازاڎێ کریا."

دماتەر دروشموو ' فشارەکێ مەتاوا ماڕاما و میدیای ئازاڎ سجن مەکریۊ' وچیاوە.

س.ز