جە ئۆپراسیۆنێوەنە دژوو داعشی جە کەرکوک: دووۍ چەتۍ گیریۍ
جە ئاکاموو ئۆپەراسیۆنێوەنە پۍ سەروو داعشی جە کەرکوک، دووۍ چەتۍ گیریۍ و ئەرەیاۋیان کە حەر دووە چەتەکۍ دەسشا بیەن جە فرەو هجومەکا مەنتیقەکەینە.
ڕاوەبەرایەتی گرڎیی دژە تیرۆروو عێراقی جە ئەرەیاۋنېوەنە ئاماژەش پانەی کەرڎەن:"هێزەکاو ڕاوەبەرایەتی گرڎیی دژە تیرۆری بە هامکاری هێزەکاو فەرماندەیی پۆلیسوو کەرکوکی و هێزوو فەرماندەیی مغاویری ئۆپەراسیۆنە هامبەشەکاو کەرکوکی، ئۆپەراسیۆنێوەشا ئەنجامدان.
ئەرەیاۋییا کە جە ئاکاموو ئۆپراسیۆنەکەینە دووۍ چەتۍ داعشی گیریېنۍ.
بەپاو ئەرەیاۋناکەی، چەتەی یووەم بەنامۍ ج،س،ز. ساڵەو ١٩٩٣ جە مەنتیقەو ڕەشادی جە ئەڎۍ بیەن، بەشداروو خولوو پەروەردەی سەروازی و فکری ڕێکوزیا و تیرۆریستی داعشی بیەن. حەرپاسە جە بەشوو سەروازیی ئا ڕێکوزیاینە هەرمانەش کەردېنە و بەشداری فرېوە جە چالاکیە تیرۆریستیەکاش کەرڎەن مەنتیقەکەنە.
حەر بەپاو ئەرەیاۋناکەی، چەتەی دووەم بە نامۍ ئە،ک،ز. ساڵەو ٢٠٠٣جە مەنتیقەو ڕەشادی جە ئەڎۍ بیەن، جە عومرېوە گەنجینە لووان دلۍ ڕیزەکاو داعشی.
