شارو ئێریڤانو پایتەختو ئەرمینیاینە بۊنەو ساڵیاڎو قڕکەرڎەو ئەرمەنەکاوە جە ٢٤و نیسانو ١٩١٥ینە مەراسیمېۋە ئەنجامدریا. دەزگا کورڎیەکۍ ئەرمینیای و کورڎسانیۍ بەشڎاریشا کەرڎ و دماو مەراسیمە ڕەسمیەکەو دۊڵەتی گەل سەعاڎ ١٢:٠٠ ڕوۋەش کەرڎە مەیڎانو "تسیتسیرناکابیرت" ی و گوڵېشا جە یاگۍ یاڎکەرڎەیۊکەینە نیېرە.

جە مەراسیمو یاڎکەرڎەیۊکەینە "شێخ تاهیر و سلاڤەک کەلاشیان" قسېشا کەرڎۍ و ۋاتشا، " ئێمە چی ڕوۋە سیاوەنە ئینایمۍ چنی گەلوو ئەرمەنی. مزانمۍ کە گەلوو ئێزیدیما و گەلا تەری چنی ئەرمەنەکا کۊکوش کریۍ. حەتا ئارۊیچ دۊڵەتو فاشیستی ترکی گەلا قڕ کەرۊ. جارێۋەتەر ئی قڕکەرڎەیە شەرمەسار مکەرمۍ."

ھ.ش