قەرارا جە سێنزەیەمین ساڵیاڎوو گەشمەرڎاو ٩و گوڵانی مامۊسا فەرزاد کەمانگەر، شیرین عەلەمهۊلی، فەرهاد وەکیلی و عەلی حەیدەریان زنجیرێوە مەراسیمۍ و کۊبیەیۊیۍ پەی یاڎکەرڎەیۊو ئا شۊڕشگێڵنا جە چنڎ وەڵاتێوە ئەورووپاینە ساز کریۊ.
ڕۊو ٩و ئایار (گوڵان)ی ٢٠١٠ چوار شۊڕشگێڵنۍ کورڎۍ بە نامەکاو فەرزاد کەمانگەری، شیرین عەلمهولییۍ، فەرهاد وەکیلی و عەلی حەیدەریانی بە تۊمەتەو ئەندامبییەی جە پارتوو ژیوای ئازاڎوو کوردسانی (پەژاک) جە زیندانوو ئێڤینی تارانینە دریۍ قەنارە.
ڕێکوستەیەکاو پەژاکی و کەژاری جە سکاندیناڤیانە بە بۊنەو سێنزەیەمین ساڵڕۊو قەنارەدایی مامۊسا فەرزاد کەمانگەری، شیرین عەلەمهولییۍ، فەرهاد وەکێلی و عەلی حەیدەریانی بە مەبەسوو یاڎوو ئا شۊڕشگێڵنا، هاموەخت شەرمەزارکەرڎەی دەوڵەتوو ئێرانی و ئیدانەکەرڎەی سزاو قەنارەدای چنڎین چالاکیۍ کەرا.
جە بانگەوازوو ئا چالاکییانە داوا جە ئازاڎیوازا کریان کە بەشڎاریی ئی کۊبیەیۊیە کەرا.
زانیارییەکە پێسنەن:
سوید:
ستکهۊلم:
ڕێککەوت:۲۰۲۳/۰۵/۰۹
سەعات: ۱۷:۰۰
یاگێ: مینتوریەت
یۊتێبۊری:
ڕێککەوت: ٢٠٢٣/٠٥/٠٦
سەعات: ١٤:٠٠
یاگێ:برۊنسپارکن
نۊروێژ/ئۊسلۊ
ڕێککەوت: ٢٠٢٣/٠٦/٠٦
سەعات: ١٥:٠٠
یاگێ: ترافیککەنتن
فینلاند/ هێلسینکی
ڕێککەوت: ٢٠٢٣/٠٥/١٤
سەعات: ١٤:٠٠
یاگێ:سێناتینتووری هێلسینکی
س.ز
