جۊلەمێرگ کە قەڵاوو تەڤگەروو سیاسیی کورڎینە، جە ورچنیایەکاو ١٤و ئایارینە چەنی پارتوو چەپی سەوزی زیادتەر جۊشوخرۊشش هەن. خەڵکوو جۊلەمێرگی جە پارتوو هەپەیۊ تا پارتوو چەپی سەوزی حیچ وەخت جە تەڤگەروو سیاسیی کورڎی دوورۍ نەکەوتێوە. پارتوو چەپی سەوزی جە جۊلەمێرگ و مەنتێقەکانە خەباتێوە فراوان پەی ورچنیەی کەرا. خەڵکوو جۊلەمێرگی پەشتگیری جە پارتوو چەپی سەوزی کەرا.

هومەیرا ئارموت-ە، هامسەرۊکەو پارتی دیموکراتوو گەلا (هەدەپە)ی جە جۊلەمێرگنە واتش، کە گەرەکشانە جۊلەمێرگنە یەرۍ کورسیۍ پەرلەمانی بەدەس بارا. ئارموتە ماچۊ، " ئێمە جۊلەمێرگنە یەرە کورسییەکا بەدەس مارمۍ و کیانمێشا پەرلەمان. پەی جوابدایۊ سیستموو قەیوم، سیستموو فاشیزمی، پەیجوابووئانیشا، کە دەسشا ملوو ئیراڎەو گەلیرە گێرتەن. چەنی پارتوو چەپی سەوزی ٣ کورسییەکەی مسۊگەر کەرمۍ. ڕا مەدەیمۍ چێگە دەنگێوە بە نامۍ ئاکەپەیۊ بۊ. ئامانجمانە چێگە دەنگێوەیچ پەی سیستمی نەلۊ. گەرەکمانە سەداسەد دەنگەکا بارمۍ. پێسە هەرمانە کەرمۍ. مازانمۍ کە ٣ پەرلەمانتارەکا بەدەس مارمۍ. چێگەی گومانیما نییەنە و گومانیما جە خەڵکەکەیچما نییەنە. پەوکای بێگومان پێویسا بەقووەتۊ هەرمانە کەرمۍ. تا جۊشوخرۊش جە ئاستێوە گەورەنە بۊ، پێویسا دەست بە جموجووڵی کەرمۍ. جە ٤ مەنتێقانە جۊشوخرۊشەکەما دی."

هاگاتا دەنگەکاتا بۊ؛

ئارموتە بە گەنجاش وات، " بەتایبەتی داواکاریما جە گەنجا هەن، تا ڕۊو ورچنیەی بەشڎاری جە هەڵمەتەو ورچنیەینە کەرا، وێشا بە ساعیبۍ دەنگەکاشا بزانا. نەک تەنیا هەرمانە و چەمڎاریی سەروو سندوقەکاو دەنگدای، بەڵکوم پێویسا گەل چا ڕووەنە هاگاڎار بۊ. کۍ دەنگۍ بەکار مارۊ پێویسا هاگاشا جە دەنگاو وێشا بۊ."

' ورچنیایەکاو ١٤و ئایاری پەی کورڎی و ژەنا فرە گرنگێنێ'

سیپان توران هامسەرۊکوو پارتوو دیموکراتوو هەرێمەکا (دەبەپ)ی جۊلەمێرگیچنە واتش، کە ورچنیایەکاو ١٤و ئایاری پەی کورڎی و ژەنا فرە گرنگێنۍ. توران باسوو ئانەیش کەرد، کە پارتەکاو دلۍ هامپەیمانی کۊماری دوژمنۍ ژەناو کورڎانۍ واتش، " ژەنی و کورد ئەنجاموو ورچنیەی دیاری کەرا. پەوکای پێسە ژەنە گەنجا گرڎ مەیدانێنە کۊشییەیمۍ. گەرەکمانە هەرمانەنە پیسە خەڵکی وینمۍ. گەرەکمانە دەسەڵاتی وزمۍ. چەنی ئانەیچە دەوروو گەنجی و ژەنا جە فاڕیای دەسەڵاتینە وینمۍ. بەتایبەتی ژەنی کە موازا دەسەڵاتی بفاڕا. ئی داواکارییە ویندۍ، جە گەڕەکە، دەگایانە جە هەرمانە و خەباتوو ژەنانە جۊشوخرۊشوو ژەنا ویندۍ."

س.ز