هاموەخت چەنی مدرامانوو گەریلای دژوو هجوومەکاو دەوڵەتوو تورکی ئەرەگیری، ڕەنجێوەتەریچ هەن. جە جلوارازیانەکاو گەریلاینە جلوبەرگوو گەریلایا ورازیۊ، کە تەکنیکوو ئەرەگیرا پووچەڵ کەرۊوە. ئانەیچ نیشانە مڎۊ، کە ئا ڕەنجە چەنی بۊ یارڎەیدەروو مدرامانی.
سوپای ئەرەگیرەو تورکی و حوکمەتوو فاشیستیی ئاکەپە – مەهەپەی، جە هەرێمەکاو پاریزنای مەدیانە جە دژوو گەریلاکاو ئازاڎیی کوردسانی چەکی کیمیایی و بۊمبی گەرمی (تێرمۊباریک) و ئەتۊمی تاکتیکی بەکار مارۊ، کە گرد چەکۍ قەدەغەکریێنۍ. گەریلاکاو ئازاڎیی کوردسانی دژوو ئا هجووما، بە ڕەنج و حەوڵێوە فرێوە تونێلەکاو جەنگیشا ئامادۍ کەرڎێنۍ. جەڕاو ئا تونێلاو جەنگیوە و تیمە گێڵیایەکاوە مدرامانێوە گەورە کەرا. سەرەڕاو جەنگی، ژیوای بە ڕەنجوو گەریلاکاوە درێژەش هەن. یۊ جە بوارەکاو هەرمانکەرڎەیچ 'وراستەی'ن.
دوژمن بەتایبەتی چی ساڵاو دمایینە پڕوپاگەندۍ فرۍ پەی تەیارەی چەمڎاری و بێتەیارەوانی کەرۊ، کە جە چوارچوەو هجوومە پاکتاوکارییەکاشنە جە دژوو گەریلاکا بەکارش مارۊ. بە پاو ئا پڕوپاگەندا، کە پەی ئیتەیارە جەنگییا کریا، ئا تەیارۍ ڕا مەدا باڵدارێچ عاسمانۊ فڕۊ، وەلۍ وەراوەروو ئی فڕوفیشاڵیچۊ مدرامان و ژیوای گەریلایایچ هەن. گەریلاکۍ بە تاکتیکەکاشا و بە جلوبەرگەکاشا ئا تەیاراو چەمڎارییەی و ئا تەکنیکا پووچۍ کەراوە. بەرهەمئارڎەی ئیجلوبەرگا و وراستەیشا و نۊعوو بەکارئارڎەیشا وەختوو جەنگینە، بەوەروەڵایی لاو گەریلاکاوە حسابش پەی کریۊ و ئامادۍ کریا. گرد وەختێوە بەرهەمئارڎەی، ورساتەی و ئاماڎەکەرڎەیشا بە حەوڵۍ و ڕەنجێوە گەورەوە کریا.
گەریلێکۍ ئی ڕەنجی دلۍ مدرامانینە نیشانە مڎا. ئینجا باسیچ چانەیە کریۊ، کە حەرگەریلاێوە چەنی و بە چە نۊعێوە ئا جلوبەرگا کەرۊنە. گەریلایچ ئا جلوبەرگا، کە ئاماۍ کریێنی بە نۊعە دیاریکریاکە کەرانە و بە پاو ئانەی ورسونیشت کەرۊ و دژوو دوژمنی چالاکی کەرۊ. ڕەنجوو گەریلای جە جلورازخانەکانە چێروو بۊردومانوو فڕۊکەکانە درێژەش هەن.
س.ز
