جەنازەو گەشمەرڎە سلێمان ئەلساڵەحی بەخاکی ئسپارییا
مەنتێقەو تربەسپی کانتۊنوو جەزیرەینە، جەنازەو جەنگوانوو هێزەکاو ئەرکوو وێپارێزنای ، سلێمان ئەلساڵەح کە کە بۊنەو نەوەشیێوە قورسیوە گەشمەرڎە بی، بەخاکی سپارییا.
سەڎان ئەرەنیشتۍ مەنتێقەو تربەسپیی کانتۊنوو جەزیرەی، لوۍ قەبرسانوو گەشمەرڎە دڵشێری پەی بەخاکسپارای جەنگەوانوو هێزەکاو ئەرکوو وێپارێزنای، سلێمان خدر ئەلساڵەحی. ئی جەنگەوانە بۊنەو نەوەشیێوە قورسیوە گەشمەرڎە بی.
کارەوانوو جەنازەکەی بە هەلهەلەو ئەڎایا و درووشموو "گەشمەرڎۍ مەمرا" خێرامایش وەنە کریا و مەراسیمێوە کریا. ڕاوەبەروو مەجلیسوو بنەیانەو گەشمەرداو مەنتێقەکەی، محەمەد زەکی ئیبراهیم، ئاماژەش پانەیە کەرد ئامادێنۍ گرد قوربانیێوە بدا پەی خاکەکەیشا و ونەو پێکئامایەکا چی خاکەنە تێکەڵە بیێنە.
بە نامۍ قەسەدەیوە، ئەنداموو کۊمیتەو پەیوەندییە گردییەکاو مەجلیسی سەروازی، محەمەد زێدان، ئەوەخوایش کەرڎۊ، چەنی حەرگەشمەرڎێوە، پا سەروو کۊشیای قەوەتتەر گێرارە و وەعدوو پارێزنای دەسکەوتەکا مڎاوە.
دماتەر شناسنامەو گەشمەرڎەی ونیاوە و دریا دەسوو بنەیانەکەیشۊ، لالۊو گەشمەرڎەی فەرحان ئەلحەزای، واتش: "درێژە بە خەتەو کۊشیای گەشمەرڎەی مدەیمۍ و بە سەرکەوتەی تاجدارش کەرمێ".
بە درووشموو "گەشمەرڎۍ مەمرا" جەنازەو گەشمەرڎەکەی بەخاکی ئسپارییا.
