گەریلاو یەژاستاری هامیەتە یالچین کایا مانگەو ئازاری مەنتیقەو بەستای شرنەخی گەشمەرڎۍ بیە. جەنازەکەش جەلایەنو خانەواڎەکەیشۊ جە قەبرسان و بێکەسانە ورگیریاوە و جە ئامەڎ چېرو گەمارۊو سەروازا تورکینە بە خاکی سپاریا.
گەریلۍ هامیەتە یالچین کایا ئەشناسیۍ بە(لەیلا ئامەڎ)ۍ جە جەنگو ۱۱و ئازارینە جە مەنتیقەو بەستای شرنەخی گەشمەرڎۍ بیە.
دماو جەنگەکەی جەنازەو یالچین کایۍ جە لایەنو دەوڵەتو تورکیوە و بۍ ئاگاڎارکەرڎەیۊ خانەواڎەکەیش جە میانگەو شارەکەینە و جە قەبرسان و بێکەسەکانە ئەسپەرڎە بە خاکی کریۍ بۍ.
خانەواڎەو گەشمەرڎە لەیلۍ دماو ئاگاڎاربیەیشا جە گەشمەرڎەبیەی و یاگۍ ئەسپەرڎەکەرڎەو کناچەکېشا، دەسشا بە حۊلەکاشا کەرڎ پۍ ھورگېرتەیۊ جەنازەو کناچە گەشمەرڎەکېشا و پۍ ئانەیچ نموونەو دی ئێن ئەیشا پۍ وشکنای چنی جەنازەکەیشا پێشکەش کەرڎ. دماو ئانەی نموونەو دی ئێن ئەی گېڵاوە، جەنازەکەو یالچین کای-ېشا ورگېرتۊ.
مامەڵەی نەشیاو وەران ۋەر بە مەیتەکا کریۊ
ڕۊو دوۋەشەممەی، ۲۲ۍ ئایاری، جەنازەو یالچین کایۍ جە لایەنو خانەواڎەکەیشۊ جە قەبرسانو بێکەسانە ورگیریاوە و بەرڎەشاوە پۍ مەنتیقەو بسملی جە ئامەڎ.
خانەواڎەو یالچین کایۍ جەنازەو کناچە گەشمەرڎەکېشا بەرڎۊ پۍ قەبرسانو کۊڵانەو سەیران تەپەی. ئا قەبرۍ، کە وەڵتەر پۍ جەنازەکەی ھورکنیۍ بۍ، جە لایەنو پۊلیسیۊ دەسش سەرەرە گیریا و ڕاشا نەڎا جەنازەکە چا قەبرېنە ئەسپەرڎە کریۊ.
دماو ئی مامەڵە نامرۊڤانەیە پۊلیس بەھانۍ ئانەیش ئارڎۊ، کە تۊمارەو یالچین کایۍ ئینا کۊڵانەو تەپەجیک-ینە جە میانگەو مەنتیقەو بسملی.
جە وەران ۋەرو ئا ھەڵسوکۊتەینە خانەواڎەکەش قەرارشا دا جەنازەو "لەیلا ئەحمەڎ"ۍ گەریلۍ یەژاستاری بەراوە پۍ دەگېکۍ ۋېش، کە سەر بە میانگەو بسملیا و چا ئەسپەرڎېش کەرا. بەڵام ھەمڎیسان ئیجاریچ کۊڵانەو تەپەجیکی و قەبرسانەکە جە لایەن و سەروازاوە دەورە دریا!.
سەروازەکۍ وەربەرەو قەبرسانەکەینە دەسشا بە وشکنای و تەماشەکەرڎەو ئشناسنامەکا کەرڎ و ڕاشا بە کەسە بەشڎارەکا یاوەرو جەنازەکەی نەڎا بلا چوەر و بە شێۋېوە جەماوەری مەیتەکەی بە خاکی بسپارا، پۊکەی تەنیا خانەواڎەکەش جەنازەو کناچە گەشمەرڎەکېشا چېرو گەمارۊی سەروازینە بە خاکی سپارا.
جە وەختو ئەسپەرڎەکەرڎەکەینە و جە جبەرو قەبرسانەکەینە جەمەو مەردمی چەمەڕاو بە خاکسپارڎەکەیشا کەرڎ و دماو ئانەیچ جە پەرسەکەنە خزمۍ یالچین کایۍ و ئەنڎاما جەمەو ڕۊشنۋیری و پەشتیوانی جە خانەواڎە و کەسوکارو بێسەروشۊنکریایا دەشتەو میزۊپۆتامیای (مەبیا – دەر)، جەمەو هامکاری و پەشتیوانی جە زینڎانیا و سزادریایا (توهای - دەر)، پارتو چەپی سەوزی، پارتو دیموکراتیکی گەلان (هەدەپە)ی و پارتو هەرێمە دیموکراتییەکا (دەبەپە)ی ئاماڎۍ بېنۍ.
ژ. ھ
