جەنگی زەمینی سەخت لوبنانەنە بەردەواما و ٩٥ کەسۍ کوشیێنۍ
بە پاو ئەرەیاۋناکا وەزارەتو تەندروسی لوبنانی، جە دەرەنجامو هرووژمەکا سوپاو ئیسرائیلی پەی سەرو ئا وڵاتیە ٩٥ کەسۍ کوشیێنۍ.
وەزارەتو تەندروسیی لوبنانی ئامارەو قوربانیا هرووژمەکا ڕۆو دووەشەممەیش وەڵاکەردۆ کە جە تەرەفو سوپاو ئیسرائیلیوە ئەنجامدریێنۍ.
وەزارەت ئاماژەش پانەی کەرڎەن جە ناوچە جیاجیاکا لوبنانینە کە جەنگشا ئینا چنە ٩٥ کەسۍ کوشیێنۍ ١٧٢ کەسێچ زامڎارێ بیێنۍ.
ئەرەیاۋییان کە هرووژمەکۍ پەی سەرو پانیشتوو لوبنانی و بیقاعی بەردەوامێنۍ.
بە پاو ئامارەکا بەیروتەنە ٤ کەسۍ کوشیێنۍ، ٤ کەسۍ تەرێچ زامڎارۍ بیێنۍ. بەرەو ڕزگاری گەلوو فەلەستینی ئاماژەش پانەیە کەرڎ کە ٣ ئەندامۍ پلە باڵێشا چا هرووژمانە کوشیێنۍ.
هەرپاسە چا هرووژمانە سەرکردێوە حەماسی جە کامپو باسینە کوشییان.
جە ٢٧و ئەیلولیوە حیزبووڵا ئامارەو چەکڎارە کوشییایەکا ۋێش وەڵا نەکەردەنۆ.
هەرپاسە وەزارت زانیاری ۋەرفراوانش سەرو ئامارەو کوشیایا ژەنا و زاوڵاش وەڵا نەکەردەنۆ.
سوپا ئیسرائیلی: جەنگێوە سەخت گوزەریۆ
واتەواچو سوپاو ئیسرائیلی ئەڤیخای ئەدرەعی ڕۆو یەرە شەممەی ئاماژەش پانەیە دا کە جە دماو ئۆپراسیۆنە زەمینیەکا کە دژو حیزبوڵای دەشپنەکریان جە پانیشتوو لوبنانی "جەنگێوە سەخت" ڕووە مڎۆ. داواش کەردێنە چا ناوچانە ئاماو لوای ترۆمبێلی ئەنجام نەڎریۆ.
