هیزی بۆنەو فرەوارای وارانیوە، ئاهەنگو نەورۆزی کۆبانێ، حەلەب و شەهبانە نەکریا. ئارۆ گەل بە تامەزۆرییوە لوێ مەیدانەکاو نەرۆزی و نەورۆزی مەبارەک کەرانێ.  

کۆبانێ

ئەوەڵوو ڕۆینە پێکئامایەکاو کانتۆنو فراتو هەرێمو سەرنیشت و وەرکەوتو سوریای دەگا، شار و مەنتێقەکاو کانتۆنیوە ڕووەشا کەردە مەیدانو نەورۆزی تەپو مشتەنورو کۆبانێنە.

ئایرو نەورۆزی لاو بنەیانەو گەشمەرداوە کریاوە.

قەرارا ئاهەنگەکەنە ڕاوەبەری خۆسەری دیموکراتیکو کانتۆنو فراتی، کۆنگرەو ستاری، مەجلیسو گرێ سپی، مەجلیسوو بنەیانەو گەشمەردا پەیامشا بۆ.  

حەلەب

خەڵکو گەڕەکەکاو شێخ مەقسودی و ئەشرەفیەو حەلەبی؛ کوردێ بە جلوبەرگی کوردی، عەرەب، سوریانی و تورکمانیوە، ئەنداما و نوێنەراو پارتەکا، ڕێکوزیا مەدەنییەکا و مێمانا مەنتێقەکای تەریوە بەرە و مەیدانو ئاهەنگەکەی لوێ و بەشداریی کەردەیۆ ئایرو نەورۆزی بێنێ.  

ئەداو گەشمەردا ئایرو نەورۆزیشا کەردۆ. ئەندامو گردینو پەیەدەی محمەد شێخۆ، ئەندامەو ڕاوەبەریی نویسگەو پەیوەندییەکاو مەجلیسو سوریای دەیموکراتیک (مەسەدە)ی فاتمە حەسنۆ، هەرپاسە گرووپە چاندییەکێ بەشداری و پەیامشا ئاهەنگەکەنە مبۆ.