ئارۊ دوۋەشەممە، ناۋەنڎو یاۋنەری و چاپەمەنی هێزەکا پارېزناو گەلی (هەپەگە)، ئەرەیاۋنېوەش پۍ ڕای گرڎی ۋەڵاکەرڎۊ سەبارەڎ بە ھجومەکا دۊڵەتو ئەرەگیری ترکی.

جە یاۋنەریەکەنە ئامان:

«جە هەرێمو خواکورکی؛

دۊڵەتو ئەرەگیری ترکی ٧ و ئایارینە سەعاڎ ١٥:٥٥ دەیەقۍ ھجومش کەرڎ سەرو تەپ و گەشمەرڎە ئاخینی، ھېزەکېچما پۍ پارېزناو ۋېشا جوابو ھجومەکەیشا داوە.

هەمان ڕۊ، سەعاڎ ١٦:٣٠، دەیەقۍ هێزەکېما جە تەپ و گەشمەرڎە شاهانی جوابو ھجومېوە سوپاو ئەرەگیریشا داوە.

ھجومەکۍ سوپاو دۊڵەتو ئەرەگیری ترکی بە چەکی قەڎەغەکریا؛

دۊڵەتو ئەرەگیری ترکی جە ٦ و ٧ و ئایارینە، یەرۍ جارۍ بە چەکی قەڎەغەکریا ھجومشا کەرڎ سەرو سەنگەرەکا مدرامانی جە سیدا.

ھجومەکۍ دۊڵەتو ئەرەگیری ترکی ؛

فڕۊکە جەنگییەکۍ دۊڵەتو ئەرەگیری ترکی ، جە ٥ و ئایارینە، حۊت جارۍ دەشتەو کافیایشا بۊمبۋاران کەرڎە.

جە ٦ و ٧ و ئایارینە، مەیڎانەکۍ مدرامانی جە هەردوۋە کەشو جودی و ئێف ئێمی، حەرپاسە  سەنگەرەکۍ مدرامانی جە سەیدا، ٢٦ جارۍ بە تۊپە و تانک و چەکی کیمیاۋیی جە لایەنو دۊڵەتو ئەرەگیری ترکیۊ بۊمبۋاران کریۍ.

سوپاو ئەرەگیری ترکی گەرەکشا بە بیلدۊزەر سەنگەرەکا مدرامانی تېک بڎۊ».

ھ .ش