سەرۆکوو گرڎینوو جەمەو ئیسلامی کوردسانی (جیک)حافز ئەحمەد تورهالی بۆنەو ساڵوەگەڕوو مدرامانی بە سەرمەشقایەتی شێخ سەعیدی و واتش: "ئازاڎیی جە چوارچێوەو پلانسازییەکانە پۍ ئازاڎیی کوردسانی بە سەرمەشقایەتی شێخ سەعیدی جە جوڵەنە بۍ. سەروو ئا بنەمایۍ ئاماڎەکاریی کریابۍ جە مانگەو ئایار و حوزەیرانینە سەرهۊردای دەسپنەکەرۆ. هەرمانە پۍ ئی ئامانجەیە کریۍ. شێخ سەعید پۍ ئازاڎیی کوردسانی دلۍ ڕێکوستەینە بۍ. دوژمن پۍ ئانەی ئی سەرهۊردایە دلێنەبەرۆ و ئاماڎەکارییەکا دلێنەبەرا و ئیستغلالش کەرۆ. دەوڵەتوو تورکی پلانسازی ئینەیش کەردەبۍ. دوڵەتوو تورکی بەهامکاری دەوڵەتا ئەوروپی، تابورێوە سەروازیش ڕوانەو ئا یاگۍ کەرد کە شێخ سەعیدش چنەبۍ، پی جۊرە سەرهۊردای بەبێ ئاماڎەکاری دەسشپنەکەرد. مدرامانوو نەتەوەو کوردا جە ساڵەو ١٩٢٥ پی جۊرە دەسشپنەکەرد".

تورهالی ئانەش بەروست کە مانگەو شوباتی مانگێوە سیاوەنە پۍ کوردا، پیلانگێڵنی نەتەوەیی چی مانگێنە ئەنجامدریا ئینەیچ بە ڕێکۆت نیا و واتش: "کورد زوۆن بە ڕابەرایەتی بەڕێز ئۆجالانی دەسش بە کۊشیای نەتەوەیکەردەن. دەوڵەتوو کەمالیستی تورکی جە ١٥و شوباتوو ١٩٩٩ینە بە پەشگیریێوە بەقوەتوو دەوڵەتا پیلانگێڵنی سەروو ڕابەروو گەلوو کوردیرە ئەنجامدا. مشۊم گەلوو کوردی عال چی پیلانگێڵنییە بیاوانە و جە دەوروو قەزیەو نەتەوەو ۋێشا نەکۊباوە. پۍ ئازاڎیی جەسڎەی بەڕێز ئۆجالانی کە سەرکردایەتی کۊشیاو نەتەوەیی گەلیما کەرۆ، مشۊم گەلوو کوردی جە ئەورپا پۍ ئی ئامانجەیە بەشداریێوە بەقوەتوو ڕاپیماو کۆڵنی با".