کۊبانێ-نە نیشانگێوە هەرمانەدەسییا کریاوە
ئارۊ یەکشەممە بە دەسوەڵێوستەی وەقفوو ژەنە ئازاڎا، نیشانگێوە هەرمانەدەسییا پەی کۊمەڵێوە جە ژەنا کۊبانۍ کریاوە.
وەقفوو ژەنە ئازاڎا جە ناوەندوو شاروو کۊبانێنە، پەنجەمین نیشانگەو هەرمانەدەسییەکا کریاوە، ساڵەو پاری جە هەمان بەروارنە نیشانگاکە کریاوە.
نیشانگاکە ئا هەرمانە دەسییا گێرێوە کە جە بەکرەی بەکارئاما و کراتینی و تەوەنا وەشی کریێبێنۍ، چەنی نیشانەدای تابلۊ و گەمەو زارۊڵا.
ئیلهام ئەحمەدە ئاماژەش پانەیە کەرد، چنڎین جارۍ بەرهەمەکێشا جە نیشانگانە نیشانۍ دێنۍ و واتش: «گەرەکمانە جە ڕاو نیشانگا و هەرمانە دەسییەکاوە، زیاڎتەر بایەخوو وەقفوو ژەنە ئازاڎا بشناسمۍ. ئێمە فرەو واریاتەکاما بە بەکرە و تەوەنی وەشۍ کەرمۍ، ئی چێوە کۊنۍ واوەی ڕەونەقێوە بە ژیوای بەخشا و دیسان چێوێوە جوان نیشانە مڎا، داوا کەرمۍ گردوو ئانیشا داراو بەهرێوە هونەریینۍ، هونەرەکەیشا نیشانە بڎا تا پێوە گلێرگەی بەرەو وەڵۍ بەرمێ».
سەوای دووەشەممە، چالاکییەکاو نیشانگاکەی دماییشا مۍ.
س.ز
