مرامانوو ٨ ئاداری ئێساڵ سەرنیشت و وەرکەوتوو سوریاینە بە درووشموو "بە ئیرادەو ژەنە ئازادا سیاسەتوو قڕکەردەی و ئەرەگیرکاری و گۆشەگیری پووچەڵ کەرمێوە" کریا.

ڕاپیمایەکەی بە سەرمەشقایەتیی یۆبییەی ژەنە گەنجاوە ڕێک وزیا، ڕاپیمایەکەنە پۆستەروو ڕابەروو گەلوو کوردی عەبدوڵا ئۆجالانی و درووشموو "ژەنی، ژیوای، ئازادی" و "بێ سەرۆکی ژیوای مەبۆ" بەرزێ کریێوە.

قسەکەروو یۆبییەی ژەنە گەنجا نەدا شاهینە واتش: "ئی ڕووە وەنەو ژەناو جیهانی و بەتایبەت ژەناو کەشە ئازادەکا کە کۆشیای ئازادی کەرا، مەبارەک کەرمێ".

نەدا شاهینە واتشۆ: "هەردەم گەرەکشانە مافوو ژەنا نازا، بەڵام ئێمە هەردەم دژوو تندوتیژی و دەسدرێژی و کۆکوشییەکا ڕاو ئازادیی گێرمێ. ئێمە سایێ ڕابەر ئاپۆی و ژەنە سەرمەشقانە یاوێنمێ ئی ئاستە".

ڕاپیمایەکەی بە درووشموو "ژەنی، ژیوای، ئازادی"ی تەمامیا.