واتەواچەو کەبەدەهەی هێڤی ساریا جە ساڵوەگەڕوو ئەرەمەرزناو جمیەروو شۆڕشگێڵنی یۊگێرتەیی ژەنا (کەبەدەهە)ینە قسێش کەردۍ و واتش: "جە دژوو فاشیزمی و پیاسالاری داوا جە ژەنا کەرمۍ کە سەرهۊردای ئێژا کەرا و بەرەو ئاخێزوو ژەنۍ هەنگامە بنیا."
واتەواچەو کەبەدەهەی هێڤی ساریا جە ساڵوەگەڕوو ئەرەمەرزناو جمیەروو شۆڕشگێڵنی یۊگێرتەیی ژەنا (کەبەدەهە)ینە پەیامێوەش داو ئاماژەش پانەی کەرد کە جە تورکیا و کوردسانەنە ئا کۊشیایەی جە دژوو فاشیزمی و پیاسالاری ملۊڕاوە سەرگنۆ و واتش: "بەدڵنیاییوە سەرۍ گنمۍ. کۊشیایما پۍ سۆسیالیزمی و ئاخێزوو ژەنۍ بەدڵنیاییوە پەڕ بۆ جە سەرکۊتەی. یا سەرکەوتەی، یا سەرکەوتەی."
هێڤی ساریا واتش: "٨و ئاداروو ٢٠٢٤. جە وەختۍ تاریخینە پێسە جمیەروو ئاخێزوو یۊگێرتەو ژەنا ٧ەمین ساڵەوەگەڕوو ئەرەمەرزنایما پیرۆز کەرمۍ. چی وەختە تاریخیەنە کۊشیای ئازاڎیی ژەنۍ، ئاخێزوو ژەنێما بە جۆش و خرۆشۆ بەردەواما، سەربەرزێنمۍ کە کەبەدەهە پێسە سەنگەرێوە گرنگوو کۊشیای، پێسە ڕێکوستەیۍ سوپایی و سیاسی ژەنۍ ئی ئاڵۍ بەرزە کەرۊوە. ٨و ئاداری جە هەمان وەختەنە ساڵوەگەڕوو ئەرەمەرزناو ڕێکوستەی مەلەکەپە/کۆمەنیستیا کە یۆن جە ڕێکوستەکا کەبەدەهەی. داوا کەرمۍ ڕێکوستەی ژەنۍ کۆمەنیستۍ کە ٩ ساڵێش ویەرنان بە عەشق، حورمەتۆ پیرۆز کەرا."
'کۊشیایما جە دژوو فاشیزمی سەرگنۆ'
هێڤی ساریا ماچۆ کەبەدەهە جە کۊشیای دژوو دەسەڵاتوو پیای، سەرمایەداری، فاشیزمی و ئەرەگیرینە یاگێوە گرنگەش هەنە و واتش: "کەبەدەهە جە جوگرافیاو تورکیای و کوردسانینە جە کۊشیای دژ بە فاشیزمینە یاگێوە گرنگەش هەنە. جە هەمان وەختەنە پا مەعنۍ مۍ ژەنی سەروو ئی بنەمایۍ با بە یۆ. کەبەدەهە پۍ یۊگێرتەی و ڕێکوستەو ژەنا هۊرگیروو فکر و ستراتیجێوە جیاوازیا، نوێنەراتی پیمانەکا کەرۆ. نەک تەنیا پۍ ئا دەورەو ۋێش جە تورکیا و کوردسانەنە، حەرپاسە پۍ دەوروو ۋێش جە ۋەرکەوتوو دلێڕاسەی و جەهانینە، ئینەما پێسە هەنگامێوە خاکیۍ پێناسەکەرد و حۊڵ مڎەیمۍ ئا خاکی بیەیما وەڵۍ وزمۍ. پێسە جمیەروو ئاخێزوو یۊگیرتەو ژەنا گەرەکمانە دەلال ئەحمەڎۍ کە بە خەبات، دڵ و ڕۊح هێزی چنیما بۍ ، بەڵام ئارۆ یاوێنە بە قافڵەو نەمرا، هامڕایاما نۆدەمە، یانورە ئەدا، جەرینە گونەشۍ بەشێوێوە تایبەت یاڎ کەرمێوە. حەرپاسە هامڕایا ژەنی شۆڕشگێڵنێما، سۆسیالیست، کۆمەنیست و وڵاتپارێزا کە مەتاومۍ نامۍ گردیشا بارمۍ بە ڕێز و حورمەت و دڵسۆزیوە یاڎشا کەرمێوە. جە قۆناغی دماینەنە گەرەکمانە واچمۍ؛ کۊشیایما جە تورکیا و کوردسانەنە جە دژوو فاشزمی، دەسەڵاتوو پیای و سەرمایەداری بە دڵنیاییەوە سەرگنۆ. داوا جە گرڎوو ژەنا کەرمۍ کە دژوو دەسەڵاتوو پیای و فاشیزمی سەرهۊردای ئێژا کەرا و بەرەو ئاخێزوو ژەنا هەنگامە بنیا. بە دڵنیاییوە سەرۍ گنمۍ. یا سەرکەوتەی یا سەرکەوتەی."
