خانەواڎەو شەنیاشاری: ''ئینسان ۋېڕاگری نەکەرۊ ئا وەختە مڕېزۊرە و پوکیۊۋە''
خانەواڎەو شەنیاشاری کە جە رحا بۊنەو کەسوکارە کوشیایەکاشاوە ئینۍ چالاکی ئێشکگریی داڎپەروەرینە، ئەرەیاۋناشا: " ئینسان ۋېڕاگری نەکەرۊ ئا وەختە مڕېزۊرە و پوکیۊۋە ".
ئەمینە شەنیاشارە و فەرید شەنیاشاری کوڕش ۋەر بەرەو داڎگاو رحاینە درێژە بە چالاکییەکەیشا پەی داڎپەروەری مڎا. ئێشکگیریی داڎپەروەری جە ٩و ئادارو ٢٠٢١ ی دەسشپنەکەرڎەبۍ.
ئەمینە شەنیاشارە بە مەڵامەتو نەۋەشیۊ جە ڕۊو ٨٢٩ەمینو ئێشکگرییەکەیشەنە جە یانەکەو ۋېشەنە جە پرسوس درێژەش بە چالاکیەکەیش دا.
خانەواڎەو شەنیاشاری سەرو هەژمارو ۋېشاوە جە تۆڕە کۆمەڵایەتیەکانە پەیامېۋەشا ۋەڵاکەرڎۊ و ئەرەیاۋناشا، "ئەگەر چی بەینەنە یاسا هەنە، بێدەنگۍ مەبیدۍ. مدرامانی رەوا و پا گیرانە گرڎ وەختۍ میاۋۊ ئەنجام. ئا ڕۋەی داڎپەروەری سەرکۊت پۍ ئێمە بۊ. ئینسان ۋېڕاگری نەکەرۊ ئا وەختە مڕېزۊرە و پوکیۊۋە ".
هـ . ش
